ސްރީލަންކާއަށް ދިމާވެފައިވާ ކާރިސީ ޙާލަތުގައި އެޤައުމަށް އެހީތެރިކަން ފޯރުކޮށްދިނުމަށް،ދައުލަތުގެ މީޑިއާ ޕީއެސްއެމް އިން އިސްނަގައިގެން ރާއްޖޭގެ މީޑިއާތަކާ ގުޅިގެން ކުރިއަށް ގެންދާ ހާއްސަ ޓެލެތޯން ފެށިތާ ހަތް ގަޑިއިރު ވިއިރު، 1.3 މިލިއަނަށްވުރެ ގިނަ ދިވެހި ރުފިޔާއާއި 12،000 އަށްވުރެ ގިނަ ޑޮލަރު އެހީގެ ގޮތުގައި ލިބިއްޖެއެވެ.

"ސިލޯނާއެކު ދިވެހީން" ޓެލެތޯން ކުރިއަށްގެންދިޔުމަށް ހަމަޖެހިފައިވަނީ މިއަދު ހެނދުނު 9 އަކުން މިރޭ މެންދަމު 1 ޖެހުމާ ހަމައަށެވެ.

Ad by Hajj Corporation

މިއަދު މެންދުރުފަހު 15:45 އާ ހަމައަށް މި ޓެލެެތޯން މެދުވެރިށް އެހީގެ ގޮތުގައި 1،309،954ރ ލިބިފައިވެއެވެ. އަދި 12،032 ޑޮލަރު ވެސް އެހީގެ ގޮތުގައި ލިބިފައިވެއެވެ.

މި ޓެލެތޯންއަށް އެހީތެރިވާން ބޭނުންވާ ފަރާތްތަކުން ބީއެމްއެލްއިން މި ޓެލެތޯނަށް ހާއްސަަކޮށްފައިވާ ދިވެހި ރުފިޔާ އެކައުންޓް (7730000796107) އަދި ޓެލެތޯނަށް ހާއަސަ ކޮށްފައިވާ ޑޮލަރ އެކައުންޓް (7730000796106) އަށް އަދި ޓީވީ ބިލްޑިންގއާއި މާލޭގެ އެކި ސަރަޙައްދުތަކުގައި ބަހައްޓާފައިވާ ފޮށިތަކަށް އެހީތެރިކަން ފޯރުކޮށްދިނުމުގެ ފުރުސަތުވަނީ ހުޅުވާލާފައެވެ.

މި ޓެލެތޯނުގައި ބީއެމްއެލްއިން ހުޅުވާފަައިވާ ދިވެހި ރުފިޔާ އެކައުންޓަށް އަދި ޑޮލަރު އެކައުންޓަށް ޓްރާންސްފާކޮށް ފައިސާ ޖަމާކުރެވޭއިރު، ބީއެމްއެލް މޯބައިލް އިންޓަނެޓް ބޭންކިން އެޕު މެދުވެރިކޮށް ކިއުއާރް ކޯޓު ބޭނުންކޮށްގެން ފައިސާ ޖަމާކުރެވޭނެއެވެ. 

މި މަހުގެ 26 ވަނަ ދުވަހުގެ ސްރީލަންކާއަށް ކުރިމަތިވި ތޫފާނު ދީތުވާގައި އެ ގައުމަށް ގަދައަށް ވާރޭވެހި ފެންބޮޑުވުމުގެ ސަބަބުން 150 އަށްވުރެ ގިނަ މީހުން މަރުވެ، 200 އަށްވުރެ ގިނަ މީހުން ގެއްލިފައިވެއެވެ.

މި ކާރިސާއާ ގުޅިގެން ލަންކާއިންވަނީ ބައިނަލްއަގުވާމީ މުޖުތަމައާއި އަވައްޓެރި އެކުވެރި ގައުމުތަކުގެ އެހީތެރިކަމަށް އެދިފައެވެ.