ނޮވެމްބަރު މަހު ފުވައްމުލައް ސިޓީގެ ފެނަށް ބިލް ނުކުރާނެ ކަމަށް ފެނަކައިން ބުނެފިއެވެ.

ފެނަކައިން ނެރުނު ބަޔާނުގައި ބުނީ ފުވައްމުލަކު ސިޓީގައި ދިމާވި ފެނުގެ މައްސަލަ ޙައްލުކޮށް، ރަނގަޅު ފެންވަރެއްގައި ފެނުގެ ޚިދުމަތް އަލުން ދިނުމަށްޓަކައި ކުރަންޖެހޭ އެންމެހައި ކަންކަން ހުއްޓުމެއްނެތި ކުރަމުންދާކަމަށެވެ.

ވޭތުވެދިޔަ ދުވަސްތަކުގައި ފުވައްމުލަކު ސިޓީގެ ފެނުގެ ނެޓްވޯކްގެ މަސައްކަތްތަކެއް ކުރަމުންދިޔައިރު، އެކި ވަގުތުތަކުގައި ފެން ކެނޑުމާއި ފެނުގެ ޕްރެޝަރ ދަށްވުންފަދަ ކަންކަން މެދުވެރިވެފައިވާކަމަށާއި އަދި އެ ސިޓީގެ ފެނުގެ ނިޒާމު އަޕްގްރޭޑުކުރުމުގެ މަސައްކަތް މިހާރުވެސް ކުރަމުން އަންނަކަން އެ ކުންފުނިން ވަނީ ފާހަގަކޮށްފައެވެ.

މި ކަންކަމަށް ރިޢާޔަތްކޮށް ރައްޔިތުންނަށް ލުޔެއް ދިނުމަށްޓަކައި، ފާއިތުވި ނޮވެންބަރު މަހު ފުވައްމުލަކު ސިޓީގެ ފެނަށް ބިލުނުކުރާގޮތަށް ނިންމާފައިވާކަމަށް ފެނައިން ވަނީ ބުނެފައެވެ.

Ad by Hajj Corporation

ފުވައްމުލައް ސިޓިގައި ސަޕްލައި ފެން ތަޣައްޔަރުވެ ވަގުތީ ގޮތުން ފެން ކަނޑާލުމަށްފަހު މިހާރު ގެބީސީތަކަށް ދަނީ ފެނުގެ ހިދުމަތް ފޯރުކޮށްދެމުންނެވެ.