ގައުމީ ތެރަޕީ ޕްރޮޓޮކޯލް ތައްޔާރުކުރުމުގެ މަސައްކަތް އިޖުތިމާއީ އަދި އާއިލީ ތަރައްގީއާ ބެހޭ ވުޒާރާއިން ފަށައިފިއެވެ.

މި މަސައްކަތް ކުރިޔަށް ދަނީ އެ އިދަރާގެ އިސްނެގުމުގެ ދަށުން ކަމަށް އެ ވުޒާރާއިން ބުނެއެވެ.

Ad by Hajj Corporation

އިޖުތިމާއީ އަދި އާއިލީ ތަރައްގީއާ ބެހޭ ވުޒާރާއިން ބުނީ، ގައުމީ ތެރަޕީ ޕްރޮޓޮކޯލް ތައްޔާރުކުރުމުގެ މުހިންމު މަސައްކަތްތަކެއް މިހާރު ނިމިފައިވާ ކަމަށެވެ. އެގޮތުން އެ ޕްރޮޓޮކޯލް އެކުލަވާލުމަށް ކުރަމުންދާ މަސައްކަތްތަކުގެ ދަށުން ނުކުޅެދުންތެރިކަން ހުންނަ މީހުންނާއި ކުދިންނަށް ދެވޭ ތެރަޕީ ހިދުމަތްތަކުގެ ފެންވަރު ރަނގަޅު ކުރުމުގެ އަމާޒުގައި މިނިސްޓްރީ އޮފް ހެލްތާއި ގުޅިގެން ގައުމީ ތެރަޕީ ޕްރޮޓޮކޯލް އެކުލަވާލުމުގެ މަސައްކަތް ވަނީ ފެށިފައި ކަމަށް އެ ވުޒާރާއިން ބުނެއެވެ.

އަދި މި އިސްނެގުމަކީ ނުކުޅެދުންތެރިކަން ހުންނަ ފަރުދުންނަށް ފޯރުކޮށްދޭ ތެރަޕީގެ ހިދުމަތްތަކުގެ މިންގަނޑާއި ފައިދާހުރިކަން މަތިކުރުމަށް ކުރެވޭ އިސްނެގުމެއް ކަމަށާއި، ކުޑަކުދިންނަށް ލިބޭ އެންމެ މަތީ ފެންވަރުގެ ފަރުވާއާއި ސަޕޯޓް ލިބޭނެގޮތް ކަށަވަރުކޮށްދޭނެ އިސްނެގުމެއް ކަމަށް އެވުޒާރާއިން ވަނީ ބުނެފައެވެ.

މި މަސައްކަތުގެ މެއިމަހުގެ 31 އިން ޖޫން އެކަކަށް އަށް ތުލުސްދޫގައި ވޯކްޝޮޕެއް ކުރިޔަށް ގެންގޮސްފައިވާއިރު، ގައިޑްލައިންތައް އިވަލުއޭޓް ކުރުމަށް މިމަހުގެ އެއްވަނަ ދުވަހު މާލޭގައި ޕިއާރް ރިވިއު ވޯކްޝޮޕެއް ވަނީ ކުރިއަށް ގެންގޮސްފައެވެ.