ގަވާއިދާ ހިލާފަށް ރާއްޖެއަށް އެތެރެކުރަން އުޅެނިކޮށް ކަސްޓަމްސްއިން ހިފަހައްޓާފައިވާ 1،830،000 (1.8 މިލިއަން) ސިނގިރޭޓް ސްޓިކްސް މިއަދު ނައްތާލައިފިއެވެ.

ކަސްޓަމްސްއިން ބުނީ މި ތަކެތި އަތުލައިގަނެފައިވަނީ، ކަނޑުމަގުން ރާއްޖެއަށް އެތެރެކުރަން އުޅުނު ޝިޕްމެންޓެއް އައްޑޫ ސިޓީ ހިތަދޫ ޕޯޓުން ބަލާފާސްކުރުމުގެ ތެރެއިންކަމަށެވެ. މިތަކެތީގެ ޑިއުޓީއަށް ގާތްގަނޑަކަށް 15 މިލިއަން ރުފިޔާ އަރާނެކަމަށް ބެލެވޭ ކަމަށް ކަސްޓަމްސް އިން މައުލޫމާތު ދެއެވެ.

Ad by Hajj Corporation

މި ތަކެތި ނައްތާލާފައިވަނީ ހިތަދޫ ޕޯޓްސް ލިމިޓެޑް ސަރަހައްދުގައެވެ.

ކަސްޓަމްސްގެ ބެލުމުގެ ދަށުގައި ހުރި 3 މިލިއަނަށްވުރެ ގިނަ ސިނގިރޭޓް މިދިޔަ އޮކްޓޯބަރުމަހުވެސް ވަނީ ނައްތާލާފައެވެ.