އައްޑޫ ހައި ސްކޫލުގައި ދަރިވަރަކާއި ޓީޗަރަކާއި ދެމެދު ހިނގި މާރާމާރީއާއި ގުޅިގެން ދަރިވަރު އަމިއްލައަށް މާފަށް އެދެންދެން ސަސްޕެންޑް ކޮށްފިއެވެ.

އައްޑޫ ހައި ސްކޫލުގައި މި ހާދިސާ ހިނގާފައިވަނީ ބީޓެކް ދަރިވަރަކާއި ޓީޓެކް ކިޔަވައިދޭ އިންޑިއާގެ ޓީޗަރަކާއި ދެމެދު އިއްޔެގެ ވަގުތެއްގައެވެ. އެ މައްސަލައާއި ގުޅިގެން ޓީޗަރު ސަސްޕެންޑްކޮށް މައްސަލަ ފުލުހުންނަށް ހުށަހަޅާފައިވާ ކަމަށް އިއްޔެ އެޑިއުކޭޝަން މިނިސްޓްރީން ވަނީ ބުނެފައެވެ.

Ad by Hajj Corporation

މި މައްސަލައާއި ގުޅިގެން އެންމެ ފުރަތަމަ ޓީޗަރު ސަސްޕެންޑް ކުރުމުން މީސްމީޑިއާގައި ގިނަ ބައެއްގެ ހިޔާލު ވަނީ ތަފާތުވެފައެވެ. އެގޮތުން އެކަމާއި ގުޅިގެން ދަރިވަރު ވެސް ވަގުތުން ސަސްޕެންޑް ކުރަން ޖެހޭ ކަމަށް ގިނަ ބަޔަކު ވަނީ މީސްމީޑިއާގައި ބުނެފައެވެ.

ޓީޗަރާއި ދަރިވަރު ތަޅާފޮޅާ މަންޒަރު ފެންނަ ވީޑިއޯއިން ފެންނަނީ ކްލާސް ރޫމެއްގައި ފިރިހެން ދަރިވަރަކު ބިންމައްޗަށް ވެއްޓިފައިވާ މަންޒަރެވެ. އަދި ބިދޭސީ ޓީޗަރަކު އެ ކުއްޖާގެ އަތުން އެއްޗެއް އަތުލަށް ވެއްޓިގަނެގެން އޮވެ އޮޅުލާ މަންޒަރު ފެނެއެވެ.

އެ ވީޑިއޯ އިން ފެންނަ ގޮތުގައި، ދަރިވަރު ވެސް ޓީޗަރުގެ ގައިގައި ޖަހަ އެވެ. އެ ރުޅީގައި ޓީޗަރު ދަރިވަރަށް އަނިޔާކުރިއިރު ކްލާސް ރޫމްގައި އެހެން ދަރިވަރުން ވެސް ތިއްބެވެ.

އެނގިފައިވާ ގޮތުގައި އެ މާރާމާރީ ހިނގަން މެދުވެރިވީ ފޯނުން ދެއްކި ވީޑިއޯއެއްގެ ސަބަބުންނެވެ.