ދައުލަތުގެ ހަރަދު ކުޑަކުރަން ނިންމި ނިންމުމާއެކު ފަސްކުރި ސްޕޯޓްސް އެވޯޑު މި މަހު 17 ގައި ބާއްވަން ނިންމާފައިވާކަމަށް ކުޅިވަރާއި ހަށިހެޔޮކަމާ ބެހޭ ވުޒާރާއިން ބުނެފިއެވެ.

ސްޕޯޓްސް އެވޯޑް ހަފްލާ ފަސްކުރި ސަބަބެއްކަމަށް މީގެކުރިން މިނިސްޓްރީން ބުނެފައިވަނީ ދައުލަތުގެ ހަރަދުކުޑަކުރުމަށް އަޅާފައިވާ ފިޔަވަޅުތަކުގެ ސަބަބުން ކަމާބެހޭ ފަރާތްތަކުގެ އިރުޝާދުގެ ދަށުންކަމަށެވެ.

Ad by Hajj Corporation

މި މަހު 17 ގައި ބާއްވާ ސްޕޯޓްސް އެވޯޑަސް ތައްޔާރުވުމުގެ އެންމެ ފަހުގެ މަސައްކަތްތައް މިހާރު ކުރަމުން އަންނައިރު އެވޯޑުތަކަށް ވާދަކުރާ ކުޅުންތެރިންގެ ނޮމިނޭޝަންތައްވެސް މިހާރު އަންނަނީ އިއުލާނުކުރަމުންނެވެ.

މޯލްޑިވްސް ސްޕޯޓްސް އެވޯޑަކީ ރާއްޖޭގެ ގައުމީ ފަންތީގެ ހުރިހާ ކުޅިވަރެއް ހިމެނޭހެން ދެވޭ ހަމައެކަނި އެވޯޑެވެ. މިއަހަރުވެސް 18 ކުޅިވަރު އެސޯސިއޭޝަނެއްގެ މޮޅު ކުޅުންތެރިން ހޮވައި އަހަރުގެ އެންމެ މޮޅު އެތުލީޓުވެސް ހޮވާނެއެވެ. މީގެ އިތުރުން ކުޅިވަރާ ގުޅުންހުރި ދާއިރާތަކުގެ ފަރާތްތަކަށް އެވޯޑު ދިނުމުގެ އިތުރުން، ކުޅިވަރަށް ކޮށްދީފައިވާ ޚިދުމަތްތައް ފާހަގަކޮށް، ހިތްވަރުދިނުމުގެ ގޮތުން އެޕްރިސިއޭޝަން އެވޯޑުތަކެއްވެސް ދިނުމަށްވަނީ ހަމަޖެހިފައެވެ.

ސްޕޯޓްސް އެވޯޑު ދޭންފެށީ 2022 ވަނަ އަހަރުއެވެ.