މަސްތުވާތަކެތީގެ ވިޔަފާރިކުރާ ކަމުގެ ތުހުމަތުގައި، ނޭޕާލުގެ ޒުވާން އަންހެނަކު ގިނަ އަދަދެއްގެ މަސްތުވާތަކެއްޗާ އެކު މާލޭން ހައްޔަރުކޮށްފި އެވެ.

ހައްޔަރުކޮށްފައިވަނީ އުމުރުން 21 އަހަރުގެ ނިޝާ ރާއީ ނަމަކަށް ކިޔާ މީހެކެވެ. ހައްޔަރުކުރި އިރު އޭނާ ދިިރިއުޅުނު އެޕާޓްމަންޓްގައި ޑްރަގް ޓްރެފިކިންގެ މިންގަނޑަށް ފެތޭ ވަރަށް މަސްތުވާތަކެތި ހުރިކަމަށާއި،އެތަކެތި ހުރީ ހާމައަށް ކަމަށާއި އެ ތަކެތި ކިރައި ބަންދުކުރަން ބޭނުންކުރާ ސާމާނު ވެސް އެ ތަނުގައި ހުރިކަމަށް ފުލުހުން ކޯޓުގައި ބުނެފައި ވެ އެވެ.

Ad by Hajj Corporation

ކޯޓު އަމުރުގައިވާ ގޮތުން އޭނާގެ ކުޑަކަމުދާ ތަކެތި ޓެސްޓްކުރި އިރު މަސްތުވާތަކެތީގެ ބާވަތެއް ކަމަށްވާ ކެނަބިސް އަށް ވަނީ ޕޮޒިޓިވް ވެފަ އެވެ.

ނިޝާ ފަސް ދުވަހަށް ބަންދުކުރީ އޭނާ މި މައްސަލައިގައި ވަކީލެއްގެ އެހީތެރިކަން ބޭނުންވާ ކަމަށް ބުނުމުން އެކަމަށް ރިއާޔަތްކޮށްފައި ކަމަށް އަމުރުގައި ބުނެފައިވެ އެވެ.