އިވެންޓު ސެންޓަރެއް ތަރައްގީކުރަން ބިން ހިއްކުމުގެ މަސައްކަތް ފަށާފައިވާ މާލެ އަތޮޅު ގަލުފަޅުގެ ނަން "އަތަމަނަ" އަށް މިނިސްޓްރީ އޮފް ފިނޭންސް އެންޑް ޕްލޭނިންގއިން ބަދަލުކޮށްފިއެވެ.

އެ މިނިސްޓްރީން ބުނި ގޮތުގައި، މާލޭގެ ހުޅަނގުއުތުރުން 2.5 ކިލޯމީޓަރު ދުރުމިނުގައި އޮންނަ، ފަޅުގެ ނަން ބަދަލުކުރަން ނިންމީ ޖިއޮގްރަފިކް ނަންތަކާ ބެހޭ ކޮމިޓީގެ މި އަހަރުގެ ދެ ވަނަ ބައްދަލުވުމަށް ފަހުގައެވެ.

Ad by Hajj Corporation

ބުނެވޭ ގޮތުގައި ވެރިރަށް މާލެއަށް އިހުގައި "އަތަމަނަ ހުރާ" ކިޔާ އުޅުނެވެ.

ވެރިކަމާ ހަވާލުވެވަޑައިގެންނެވުމުގެ ކުރިން ރައީސް ޑރ. މުހައްމަދު މުއިއްޒު، މާލޭގެ މޭޔަރުކަމަށް ހުންނެވި ދުވަސްވަރު، މި ނަމުގައި މާލޭ ސިޓީ ކައުންސިލުން ވަނީ ހަފުތާ މަޖައްލާއެއް ނެރެފައެވެ.

އަތަމަނައަކީ ބިންވެރިޔާ ސްކީމަށް ހުޅުމާލޭން ގޯތި ދޭން ޖެހުމާ ގުޅިގެން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އަށް ބަދަލުގެ ގޮތުގައި ދީފައި އޮތް ފަޅެކެވެ.

އެތަން އޮންނަނީ މާލެއިން ފުރައިގެން ފަސް މިނެޓުން ދެވޭ ހިސާބުގައެވެ.

ގަލުފަލު ހިއްކައިގެން ތަރައްގީކުރާއިރު، ކުރިން މާލެ އާއި މާލެ ކައިރި ސަރަހައްދުގެ މީހުން ދަތުރު ދިއުމަށް ހާއްސަކޮށްފައި އޮތް ކ. ކުޑަބަނޑޮސް ވަނީ ރިސޯޓެއްގެ ގޮތުގައި ތަރައްގީކޮށްފައެވެ. އަދި ކ. ފޭދޫފިނޮޅު ވެސް ވަނީ ރިސޯޓެއްގެ ގޮތުގައި ތަރައްގީކުރަން ޗައިނާގެ ކުންފުންޏަކަށް ކުއްޔަށްދީފައެވެ.