ޔަހޫދީން، ޣައްޒާގެ ހުޅަނގު އައްސޭރީގެ ދެ ސަހަރަކަށް ވަދެގަނެ ހިންގި ހަމަނުޖެހުމެއްގައި ސޯޅަ އަހަރުގެ ކުއްޖެއް ހިމެނޭހެން ދެމީހެއް ގަޔަށް ބަޑިޖަހައި މަރާލައިފިއެވެ.

ފަލަސްޠީނުގެ ހެލްތު މިނިސްޓްރީން ބުނެފައިވާ ގޮތުން، 16 އަހަރުގެ ރައްޔާން ޢަބްދުލް ޤާދިރު ޝަހީދުކޮށްލާފައިވަނީ ޤަބާތިޔާ ސަހަރުންނެވެ. އަދި 22 އަހަރުގެ އަޙްމަދު ޒަޔޫދު ޝަހީދުކޮށްލާފައިވަނީ ޖެނިންގެ ހުޅަނގުން އޮންނަ ސިލާތު އަލް ހަރިޘިޔާ ޝަހަރުންނެވެ.

Ad by Hajj Corporation

މަންޒަރު ދުށް މީހުންނާ ހަވާލާދީ، ފަލަސްޠީނުގެ ވަފާ ނިއުސް އޭޖެންސީން ރިޕޯޓުކޮށްފައިވާ ގޮތުގައި ޔަހޫދީން ވަނީ ސީދާ ޢަބްދުލް ޤާދިރު ގަޔަށް ބަޑިޖެހުމަށްފަހު، އޭނާއަށް އެހީ ނުވެވޭހެން މަގު ބަންދުކުރުމަށްފަހު އޭނާ މަރުވާން ދޫކޮށްލާފައެވެ. އަދި އޭނާ މަރުވުމުން ޔަހޫދީން އޭނާގެ ހަށިގަނޑު ހިފަހައްޓައިގެން ތިބިކަމަށްވެސް ވަފާއިން ރިޕޯޓުކޮށްފައިވެއެވެ.

ހުޅަނގު އައްސޭރީގެ ބެތުލެހެމްގައި ހުންނަ އަލް ޖަޒީރާގެ ރިޕޯޓަރާ ހަވާލާދީ އެނޫހުން ރިޕޯޓުކޮށްފައިވާ ގޮތުގައި ޢަބްދުލް ޤާދިރު، އޭނާގެ ގެއަށް ދަނިކޮށް ޔަހޫދީން ވަނީ އޭނާގެ ގަޔަށް، "ޕޮއިންޓް ބްލޭންކް" ރޭންޖުގައި ބަޑިޖަހާފައެވެ.

އަލް ޖަޒީރާގެ ރިޕޯޓރާ ހަވާލާދީ އެނޫހުން އިތުރަށް ރިޕޯޓުކޮށްފައިވާ ގޮތުގައި ޢަބްދުލް ޤާދިރަށް ހަމަލާދިނުމަށް ފަހު 40 ވަރަކަށް މިނެޓު ވަންދެން އޭނާގެ ހަށިގަނޑު ކައިރިއަށް އެއްވެސް މީހަކަށް ދިޔަ ނުދީ ހިފަހައްޓައިގެން ޔަހޫދީން ތިއްބެވެ.

ސިލާތު އަލް ހަރިޘިޔާ ޝަހަރުން ޝަހީދުކޮށްލާފައިވާ އަޙްމަދު ޒަޔޫރު ޝަހީދުކޮށްލާފައިވަނީ އޭނާގެ މެއަށް ބަޑިޖަހައިގެން ކަމަށް ފަލަސްޠީނުގެ ހެލްތު މިނިސްޓްރީން ރިޕޯޓުކޮށްފައިވެއެވެ. މިހާދިސާގައި ޒަޔޫރުގެ އިތުރުން 15 އަހަރުގެ ކުއްޖަކަށްވެސް އަނިޔާވެފައިވާ ކަމަށް ހެލްތު މިނިސްޓްރީން ބުނެފައިވެއެވެ.

ޒަޔޫރު، މިދިޔަ ހޮނިހިރު ދުވަހު ޝަހީދުކޮށްލާފައިވާއިރު، މީގެ ހަފްތާއެއް ކުރިން ހަމަ އެ ޝަހަރުގައި 15 އަހަރުގެ ކުއްޖެއް ޝަހީދުކޮށްލާފައި ވެއެވެ.