ކ. ހިންމަފުށީގައި ހުންނަ އައްސޭރި ޖަލުގެ ބައެއް، ރިމާންޑް ޖަލެއްގެ ގޮތުގައި ކަނޑައަޅައިފިއެވެ.

ދާހިލީ ސަލާމަތާއި ފަންނިއްޔާތާ ބެހޭ ވުޒާރާއިން ބުނީ ދިވެހިރާއްޖޭގެ ޖަލުތަކާއި ޕެރޯލްގެ ޤާނޫނުގެ 3 ވަނަ މާއްދާގެ (ހ) ގެ ދަށުން އައްސޭރި ޖަލުގެ ޔުނިޓު 2ގެ ވިންގު 1 އަކީ ރިމާންޑް ޖަލެއްގެ ގޮތުގައި ކަނޑައަޅާފައިވާކަމަށެވެ.

Ad by Hajj Corporation

ކ. ހިންމަފުށީގައި ހުންނަ އައްސޭރި ޖަލުގެ ބައެއް، ރިމާންޑް ޖަލެއްގެ ގޮތުގައި ކަނޑައެޅީ މި މަހުގެ 25 ވަނަ ދުވަހުން ފެށިގެންނެވެ.

މިޖަލުތަކަކީ މޯލްޑިވްސް ކަރެކްޝަނަލް ސަރވިސަސްގެ ދަށުން ހިނގާ ޖަލުތަކެއްކަން ވުޒާރާއިން ވަނީ އަންގާފައެވެ.

ރިމާންޑް ޖަލަކީ މައްސަލަތަކުގައި ހައްޔަރުކުރެވޭ މީހުންގެ މައްޗަށް ޝަރީއަތް ހިންގައި ހުކުމް ތަންފީޒު ކުރުމުގެ ކުރިން ބައިތިއްބާ ޖަލެވެ.