މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީގެ ސްޓޭޓް މިނިސްޓަރުގެ މަގާމުގައި ހުންނެވި އަބްދުލްމަޖީދު އިބްރާހީމް، މަގާމުން ވަކިކުރައްވައިފިއެވެ.

އެ މިނިސްޓްރީ އާ ހަވާލާދީ ނޫސްތަކުގައި ބުނެފައިވަނީރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށް ގާނޫނުއަސާސީން ލިބިވަޑައިގަންނަވާ ބާރުގެ ދަށުން އަބްދުލްމަޖީދު މަގާމުން ވަކިކުރައްވާފައިވަނީ މިއަދު ހަވީރުގެ ވަގުތެއްގައި ކަމަށެވެ. އެހެންނަމަވެސް، އޭނާ މަގާމުން ވަކިކުރެއްވި ސަބަބެއް މިހާތަނަށް ހާމަކުރައްވާފައެއް ނުވެއެވެ.

އަބްދުލްމަޖީދު އެ މަގާމުން ވަކިކުރެއްވިއިރު، ހުންނެވީ އެ މިނިސްޓްރީގެ ފޮރިން ލޭބަރ ޑިޕާޓްމެންޓުގެ އިސްވެރިޔާގެ މަގާމުގައެވެ. އަދި އޭނާ ގެންދިޔައީ ޑިޕާޓްމެންޓް އޮފް ނެޝަނަލް ރެޖިސްޓްރޭޝަން (ޑީއެންއާރު) ހިންގުމުގެ ޒިންމާތައްވެސް ނަންގަވަމުންނެވެ.

Ad by Hajj Corporation