އަންނަ އަހަރު ފެށޭއިރު ވައި ސާފުވާނެ ކަމަށާއި، ޖުމުލަ ގޮތެއްގައި ރާއްޖޭގެ ހުރިހާ ހިސާބަކަށް މޫސުން ވެސް ރަނގަޅުވާނެ ކަމަށް، މޫސުމާ ބެހޭ ގައުމީ އިދާރާ (މެޓް)އިން ލަފާކޮށްފިއެވެ.

މެޓް އޮފީހުން މައުލޫމާތު ދޭ ގޮތުގައި، މެދުރާއްޖެތެރެއަށް މާދަމާއާއި ބުދަ ދުވަހު ކެރީގެ އަސަރު ފޯރާނެ ކަމަށާއި، ބުރާސްފަތި ދުވަހުން އަންނަ އާދީއްތަ ދުވަހުގެ ނިޔަލަށް މޫސުން ރަނގަޅުވާނެ ކަމަށް ލަފާކުރެވޭ ކަމަށެވެ.

Ad by Hajj Corporation

ދެކުނުގެ ރަށްރަށަށް މާދަމާއާއި ބުދަ ދުވަހު ވިއްސާރަކުރި ނަމަވެސް، ބުރާސްފައްޗާއި ހުކުރު ދުވަހު ކެރީގެ އަސަރު ފޯރާނެ ކަމަށް މެޓުން ލަފާކުރެއެވެ. އެ އިދާރާއިން ލަފާކުރިގޮތުގައި ހޮނިހިރު ދުވަހުން ހޯމަ ދުވަހަށް ދެކުނުގެ މޫސުން ރަނގަޅުވާނެއެވެ.

ހަމަ އެހެންމެ އުތުރުގެ ކަނޑުތައް މަޑުވާނެ ކަމަށްވެސް މެޓުން ލަފާކުރިއެވެ. އުތުރަށާއި މެދުރާއްޖެތެރެއަށް އަދިވެސް ވައި ނުސާފު ކަމަށާއި، ނަމަވެސް ކުރިއަށްވުރެ ރަނގަޅު ކަމަށް މެޓުން ބުންޏެވެ.

މި ފަހަކުން ރާއްޖޭގެ ބޮޑު ސަރަހައްދަކަށް, އާއްމު ސިއްހަތަށް ގެއްލުންވާ ވަރަށް ވައި ވަނީ ނުސާފުވެފައެވެ.