ރާއްޖެ އިސްލާމްވިތާ 900 އަހަރު ފުރޭ ގުނާނަ (ކައުންޓްޑައުން) ފަށައިފިއެވެ.

އެކަން އިއުލާންކުރެއްވީ ރާއްޖޭގެ ނޫހަކަށް ދެއްވި އިންޓަވިއުއެއްގައި ދިވެހިބަހާއި ސަގާފަތާއި ތަރިކައާ ބެހޭ ވަޒީރު އާދަމް ނަޞީރު އިބްރާހީމްއެވެ. އެގޮތުން ވަޒީރު ވިދާޅުވި ގޮތުގައި، އެ މަސައްކަތް ފަށާފައިވަނީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ އިރުޝާދުފުޅުގެ ދަށުން ކަމަށާއި، އެ ތާޜީޚީ މުނާސަބަތު ފާހަގަކުރައްވަން ރައީސް ނިންމެވީ، މާތްވެގެންވާ އިސްލާމްދީނަކީ ދިވެހި ޤައުމިއްޔަތުގެ ބިންގާ ކަމަށްވެފައި، އެ މާތް ދީނަކީ ދެ ދުނިޔޭގެ ބާއްޖަވެރިކަމުގެ ދީންކަމަށްވާތީ ކަމަށެވެ.

Ad by Hajj Corporation

އަދި ދިވެހީން އެއް ރޫޙެއްގައި ދަމަހައްޓައި ދިވެހި ދައުލަތުގެ ސަގާފީ ސިޔާދަތު ފުރިހަމަ ވުމުގައި މާތްވެގެންވާ އިސްލާމްދީނަކީ އެންމެ ޚާއްޞަ އެއް ތަނބު ކަމުގައި ވަޒީރު ވިދާޅުވިއެވެ.

ރާއްޖެ އިސްލާމްވިތާ 900 އަހަރު ފުރޭނީ 2026 ވަނަ އަހަރު އަންނަ، ހިޖުރީ ގޮތުން 1448 ވަނަ އަހަރުއެވެ. އަދި އޭގެ ފަހުން ރާއްޖެ އިސްލާމްވިތާ ސާސްކަފަކަށް (އެއްހާސް އަހަރު ފުރުމުގެ) ވުމުގެ ދަތުރު ފަށާނެއެވެ.