ނެދަލެންޑްސްގެ ވެރިރަށް އެމްސްޓަޑަމްގައި ހުރި ފައްޅިއެއްގައި އަލިފާނުގެ ހާދިސާއެއް ހިނގައިފިއެވެ.

އަމްސްޓަޑަމްގައި ހުންނަ ތާރީޚީ ވޮންޑަލްކާކް ޗާރޗް އެންގުލްފް ގައި އަލިފާނުގެ ހާދިސާއެއް ހިނގައި، އެ އިމާރާތުގެ ބައެއް ބައިތަކަށް ބޮޑެތި ގެއްލުންތަކެއް ވެފައިވާ ކަމަށް ރިޕޯޓުތައް ބުނެއެވެ. އަދި އެތަނުން ދުމާއި އަލިފާން ފެންނަމުންދާ ކަމުގެ ރިޕޯޓް ލިބުމާއެކު، އަލިފާން ނިއްވާ މީހުން އެ ސަރަހައްދަށް ގޮސް ހަރަކާތްތެރިވާން ފެށިކަމަށް ބުނެއެވެ.

Ad by Hajj Corporation

ގިނަ ގަޑިއިރުތަކެއް ވަންދެން ކުރި މަސައްކަތުން އަލިފާންގަނޑު ކޮންޓްރޯލް ކުރެވުނުއިރު، ކައިރީގައި ހުރި އެހެން އިމާރާތްތަކަށް އަލިފާން ފެތުރުނަނުދީ ސަލާމަތްކޮށްފައިވާ ކަމަށާއި މި ހާދިސާގައި އެއްވެސް މީހަކަށް އަނިޔާއެއް ލިބިފައިވާ ކަމުގެ ރިޕޯޓެއް ލިބިފައެއް ނުވާކަމަށް ވެސް ރިޕޯޓުތައް ބުނެއެވެ.

ފުލުހުންނާއި އަލިފާން ނިއްވާ މީހުން އެ ސަރަހައްދު ބަންދުކޮށް، ތަހުގީގުކުރަން ފަށާފައިވާއިރު، އެ ސަރަހައްދު މިހާރުވަނީ ބަންދުކޮށްފައެވެ.