ކެނަބިސް ޓްރެފިކްކުރުމުގެ މައްސަލައާ ގުޅިގެން ދެ މީހަކު ހޯދަން ދިވެހި ފުލުހުންގެ ޚިދުމަތުން ފޮޓޯއާއި ވަނަވަރު އާންމުކޮށްފިއެވެ.

އެ ޚިދުމަތުން ބުނި ގޮތުގައި، ކްރިމިނަލް ކޯޓަށް ހުށަހަޅާފައިވާ މައްސަލައަކާ ގުޅިގެން އެ ކޯޓަށް ހާޒިރުކުރަން ބޭނުންވެ ހާޒިރުކުރެވިފައިނުވާ ދެ މީހަކު ބަންދުގައި ބަހައްޓައިގެން ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރަކާ ގުޅިގެން އެ މީހުން ހޯދުމުގެ މަސައްކަތް ފުލުހުން ދަނީ ކުރަމުންނެވެ.

Ad by Hajj Corporation

މި އަމުރާ ގުޅިގެން ހޯދަމުންދަނީ ފ. ބިލެތްދޫ / ނޫބަހާރުގެ، ތަޙުމީން ތައުފީޤް (25އ) އާއި ފ. ބިލެތްދޫ / ނޫބަހާރުގެ، ރައްޔާން މަންސޫރު (27އ) އެވެ. 

މި ދެ މީހުންވެސް ހޯދަމުންދަނީ އޭނާގެ މައްޗަށް ކްރިމިނަލް ކޯޓަށް ހުށަހެޅިފައިވާ ކެނަބިސް ޓްރެފިކްކުރުމުގެ މައްސަލައާ ގުޅިގެން ކޯޓަށް ހާޒިރުކުރުމަށް ބޭނުންވެ ހާޒިރުކުރެވިފައި ނުވާތީ، ބަންދުގައި ބަހައްޓައިގެން 2026 ޖަނަވަރީ 4 ވަނަ ދުވަހު ކްރިމިނަލް ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރާ ގުޅިގެންނެވެ.

މި މީހުންނާ ބެހޭ އެއްވެސް މައުލޫމާތެއް ލިބިފައިވާ މީހަކު ވާނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅުއްވައި ހިއްސާކުރެއްވުމަށް ފުލުހުންގެ ޚިދުމަތުން އެދެއެވެ.