ނެޝަނަލް ޑްރަގް އެޖެންސީ (އެންޑީއޭ) އަށް ފަރުވާ ހޯދަން ދިޔަ ބަޔަކަށް މަސްތުވާތަކެތި ދީގެން ޖިންސީ ގޯނާކުރި ކަމަށް ތުހުމަތު ކުރާ މައްސަލައެއްގައި ހައްޔަރުކުރި މުހައްމަދު ފަސީހު، 51، އިތުރު 15 ދުވަހަށް ބަންދު ކުރަން ކްރިމިނަލް ކޯޓުން އަމުރުކޮށްފިއެވެ.

އެންޑީއޭއިން ފަރުވާ ހޯދަން ދިޔަ މީހާއަށް މަސްތުވާތަކެތި ދީގެން ނަހަމަ ގުޅުން ބާއްވާ ކަމަށް ތުހުމަތު ކުރެވޭ މައްސަލަ ފުދިވެހި ފުލުހުންގެ ޚިދުމަތަށް ހުށަހެޅީ 4 ނޮވެމްބަރު 2025ގައެވެ. 

Ad by Hajj Corporation

އައްޑޫ ފޭދޫ، ފްލޮރިޑާ، މުހައްމަދު ފަސީހު ހައްޔަރުކުރީ 20 ނޮވެމްބަރު 2025 ގައެވެ. އޭނާއަކީ ޕިއާ މެންޓާއަކަށް މަސައްކަތް ކުރަމުން އައި މީހެކެވެ. 

ފަސީހުގެ ބަންދަށް އެންމެ ފުރަތަމަ ދިން 15 ދުވަސް ހަމަވެގެން، ޑިސެމްބަރު 6 ވަނަ ދުވަހު ބަންދު އިތުރުކުރުމަށް ކޯޓަށް ގެންދިއުމުން 30 ދުވަހަށް ބަންދުކުރިއެވެ. އެކަމަކު އެ މުއްދަތު ހަމަވެގެން މިއަދު ކްރިމިނަލް ކޯޓަށް ހާޒިރުކުރުމުން އިތުރު 15 ދުވަހަށް ބަންދުކުރަަން އަމުރުކުރިއެވެ. 

ފަސީހަކީ މަސްތުން ސަލާމަތްވުމަށް ފަރުވާ ހޯދައި އެކަމުން ސަލާމަތްވުމަށް ފަހު ރިކަވަރީގައި ހުރި މީހެކެވެ. ފަސީހުގެ ވަޒީފާގެ ޒިންމާއަކަށް ހެދީ ފަރުވާ ހޯދާ މީހުން ރަނގަޅު ކުރުމަށް މޯޓިވޭޓް ކުރުމެވެ. 

އެކަމަކު އޭނާ ދިޔައީ އެ ތަނަށް ފަރުވާއަށްދާ އަންހެން މުވައްޒަފުންނަށް ޖިންސީ ގޯނާކުރަމުންނެވެ. 

ޖިންސީ ގޯނާކޮށް އެ މީހުންގެ ބަރަހަނާ މަންޒަރު ވީޑިއޯކުރާކަމަށް އޭނާއަށް ތުހުމަތުކޮށްފައިވެއެވެ.