ކުރިއަށް އޮތީ އުޑުމަތި ސާފު ނަމަވެސް ކަނޑު ގަދަ ދުވަސްތަކެކެވެ.

ނަކަތުން ބަލާއިރު ކުރިއަށް އޮތީ "އުތުރުހަޅަ" ނަކަތެވެ. މާދަމާ އިރުވައި މޫސުމުގެ ތިންވަނަ ނަކަތް އުތުރުހަޅަ ފެށޭނެވެ.

Ad by Hajj Corporation

މި ނަކަތުގައި އުޑުމަތި ސާފުވާނެއެވެ. ނަމަވެސް ކަނޑު ގަދަވެފައި ވައި ބާރުވާނެއެވެ. މި ނަކަތުގައި މަސްވެރިކަން ހުންނާނީ އާންމު ދުވަސްވަރު މަސްވެރިކަން ހުންނަ ވަރަށެވެ.

މި ނަކަތުގައި ވަނީ 13 ދުވަހެވެ. އެހެންކަމުން މި ނަކަތް ނިމޭނީ މި މަހުގެ 18 ވަނަ ދުވަހުއެވެ. އޭގެ ފަހުން ފެށޭނީ "ހުވަން" ނަކަތެވެ.

މި ނަކަތުގައި އެވްރެޖްކޮށް ވައިގެ ބާރުމިން ހުންނާނެ ކަމަށް ލަފާކުރެވެނީ ގަޑިއިރަކު 12 ނޯޓިކަލް މޭލުގައެވެ. އެއީ ގަޑިއިރަކު 22.22 ކިލޯމީޓެވެ.

މޫސުމާބެހޭ ގައުމީ އިދާރާ (މެޓް)އިން މިހާރުވެސް ވަނީ، ރާއްޖޭގެ ބައެއް ހިސާބުތަކަށް ކަނޑު ގަދަ ކަމަށް ބުނެފައެވެ.