މިއަހަރު އުމްރާގެ އަޅުކަމަށް ގޮސް އުޅުނު ދިވެއްސަކު ބަލިވެގެން ރާއްޖެ ގެނައުމުގެ މަސައްކަތް ފަށައިފިއެވެ.

އިސްލާމިކް މިނިސްޓަރ ޑރ. މުޙައްމަދު ޝަހީމް އަލީ ސަޢީދު ވިދާޅުވީ އުމްރާގެ އަޅުކަމުގައި އުޅެނިކޮށް ބަލިވި މީހެއް އެޑްމިޓްކޮށްގެން ފަރުވާ ދެމުން އަންނަކަމަށެވެ. އަދި އެ މީހާ ރާއްޖެ ގެނައުމުގެ އިންތިޒާމުތައް އާއިލާއާ ގުޅިގެން ސަރުކާރުން ކުރަމުންދާ ކަމަށެވެ.

Ad by Hajj Corporation

އުންމީދަކީ މި މަހުގެ 10 ވަނަ ދުވަހު އެ މީހާ މާލެ ގެނައުން ކަމަށާއި މި މަސައްކަތުގައި އެކި މުއައްސަސާތަކުގެ އެހީތެރިކަން ލިބެމުންދާކަން ވަނީ ފާހަގަކުރައްވާފައެވެ. ހާއްސަކޮށް މޯލްޑިވިއަންނާއި އައިޖީއެމްއެޗްގެ  އެއްބާރުލުމަށް ޝުކުރު ވަނީ އަދާކުރައްވާފައެވެ.

މި އަހަރުގެ ބޮޑު ޗުއްޓީއާ ދިމާކޮށް ގިނަ އަދަދެއްގެ ދިވެހިން ވަނީ އުމްރާގެ އަޅުކަމަށް ސައުދީއަށް ގޮސްފައެވެ. އެގޮތުން ހަތް ހާހަށް ވުރެ ގިނަ ދިވެހިން މިހާރު ސައުދީގައި ތިބި އިރު، ބަލިވި މީހާ ފިޔަވާ އެންމެންގެ ހާލުވެސް ރަނގަޅު ކަމުގެ މައުލޫމާތު ލިބިފައިވާ ކަމަށް މިނިސްޓަރު ވިދާޅުވިއެވެ.