ސިއްހީ ބޭނުންތަކަށް ދޭ ޗުއްޓީއަށް އެދޭ އިރު ސިވިލް ސާވިސް ކޮމިޝަން (ސީއެސްސީ) އަށް ހުށަހަޅާގޮތަށް ބަދަލުކޮށްފިއެވެ.

ސީއެސްސީން މިއަދު ނެރުނު ސާކިއުލާގައި ބުނެފައިވަނީ އެ ކޮމިޝަންގެ ގަވާއިދުގެ ދަށުން ލިބިދެވޭ "ހާއްސަ ސިއްހީ ބޭނުންތަކަށްދެވޭ ޗުއްޓީ" އަށް މުވައްޒަފުން އެދޭ ހާލަތުގައި، އިދާރާތަކުން މަސްއޫލު އޮފީސް މެދުވެރިކޮށް ކޮމިޝަނަށް ހުށަހަޅާގޮތަށް އޮތުމުން، ޗުއްޓީދިނުމާ މެދު ގޮތެއް ކަނޑައަޅައި، މުވައްޒަފުންނަށް އެންގުމަށް ގިނަ ދުވަސްތަކެއް ހޭދަވަމުންދާ ކަމަށެވެ.

Ad by Hajj Corporation

އެހެންކަމުން މި ކަމަށް ހައްލެއް ހޯދުމުގެ ގޮތުން، މުވައްޒަފުން އެފަދަ ޗުއްޓީއަށް އެދޭ ހާލަތުގައި، އެ މުވައްޒަފެއް މަސައްކަތްކުރާ އިދާރާއަށް ކޮޕީކުރުމަށް ފަހު، ޗުއްޓީ ހަމަޖައްސައިދިނުމަށް އެދި، އެ މުވައްޒަފެއް އެ ކޮމިޝަނަށް ހުށަހެޅުމަށް އެދޭ ކަމަށް ސާކިއުލާގައި ވެެއެވެ.

މީގެއިތުރުން މުވައްޒަފުން ޗުއްޓީއަށް އެދި ހުށަހަޅާ އިރު، ޗުއްޓީ ފަށަން ބޭނުންވާ ތާރީހުގެ 15 ދުވަސްކުރިން ކަމާގުޅުންހުރި ލިޔެކިޔުންތަކާއެކު "ހާއްސަ ސިއްހީ ބޭނުންތަކަށްދެވޭ ޗުއްޓީއަށް އެދޭ ފޯމު" މެދުވެރިކޮށް އެ ކޮމިޝަނަށް ހުށަހެޅުމަށް އެދޭ ކަމަށް ވެސް އެ ކޮމިޝަނުން ބުނެފައިވެއެވެ.