އިންޑޮނޭޝިއާ އަށް 7.1 މެގްނިޓިއުޑްގައި ބިންހެލުމެއް އަތުވެއްޖެއެވެ.

އެގައުމުގެ މޫސުމާ ބެހޭ އިދާރާ އާ ހަވާލާދީ ރިޕޯޓުތައް ބުނާގޮތުން މި ބިންހެލުން އައިސްފައިވަނީ އެ ގައުމުގެ ތަލައުދް އައިލެންޑްސްގެ އައްސޭރި ފަށުގެ ސަރަހައްދަށެވެ. ނަމަވެސް މީގެސަބަބުން ސުނާމީއެއް އުފެދިދާނެކަމަށް ނުބެލެވޭކަމަށް ވަނީ ބުނެފައެވެ.

Ad by Hajj Corporation

ރިޕޯޓުތައް ބުނާގޮތުގައި ތަލައުދް އައިލެންޑްސްގެ އައްސޭރިފަށުން 17 ކިލޯމީޓަރު އަޑިން ރެކޯޑުކުރެވިފައިވާ ބާރުގަދަ އެބިންހެލުމުގެ ސަބަބުން އެ ސަރަހައްދަށް އިތުރު ކުދި ލޮޅުންތައް އަންނަމުންދިޔަނަމަވެސް މިހާތަނަށް މާބޮޑު ގެއްލުންތަކެއް ލިބިފައި ނުވާ ކަމަށް ޚަބަރުތައް ބުނެއެވެ.

އޮފިޝަލުންނާ ހަވާލާދީ ނޫސްތަކުގައި ވަނީ އެ ސަރަހައްދަށް ދާދިފަހުން ގިނަ ބިންހެލުންތަކެއް ރެކޯޑު ކުރެވިފައިވާ ކަމަށެވެ. އަދި ބޮޑު ބިންހެލުމެއް އަތުވެދާނެ ނިޝާންތައް ވެސް ފެންނަން ފަށާފައިވާ ކަމަށް ވނީ ބުނެފައެވެ.