ރޯދަ މަހަށް ރާއްޖޭގެ އެކި ސަރަހައްދުތަކުގައި މުޅިން އަލަށް ޖުމްލަ 15 މިސްކިތެއް މަސައްކަތް ކުރަމުންދާ ކަމަށް އިސްލާމީ ކަންކަމާއި ބެހޭ ވުޒާރާއިން ވިދާޅުވެއްޖެއެވެ.

އަދި އިތުރު ނުވަ މިސްކިތެއް ރޯދަ މަހުގެ ކުރިން ނިންމުމުގެ މަސައްކަތް ކުރަމުންދާ ކަމަށް ވެސް އެ ވުޒާރާއިން ވިދާޅުވިއެވެ.

Ad by Hajj Corporation

ސަރުކާރާއި ހެޔޮ އެދޭ ފަރާތްތަކުން ރާއްޖޭގެ އެކި ކަންކޮޅުތަކުގައި ބިނާކުރަމުންގެންދާ މަޝްރޫއުތަކުގެ ތެރެއިން 15 ވަރަކަށް މިސްކިތުގެ މަޝްރޫއު ނިމި ރަމަޟާން މަހުގެ ކުރިން ހުޅުވޭ ވަރު ވާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވެސް ވަނީ ވިދާޅުވެފައެވެ.

ރައީސް ވިދާޅުވީ މިސްކިތްތަކާއި އިސްލާމީ މަރުކަޒުތައް ސަރުކާރުން ބިނާކުރުމުގެ މަގްސަދަކީ ރާއްޖޭގެ ކަންކޮޅުތަކުގައި އިސްލާމީ އެެއްބައިވަންތަކަން ގާއިމުކޮށް އިސްލާމީ ހިދާޔަތާއި ނޫރާއި ސަގާފަތު ފެތުރުން ކަމަށެވެ.