ހުއްދަ ނެތި ހުޅުމާލޭ ފަޅުތުރޭގައި ފައިބަރު މަސައްކަތް ކުރުމަކީ މަނާ ކަމެއް ކަމަށް އެޗްޑީސީން ނިންމައިފިއެވެ.

އެޗްޑީސީން މިއަދު ނެރުނު އިއުލާނެއްގައިބުނެފައިވަނީ، ހުޅުމާލޭގެ ފަޅުތެރޭގައި، އޮޑިދޯނިފަހަރުގައި ފައިބަރުގެ މަސައްކަތް ކުރަމުންދާކަން އެ ކޯޕަރޭޝަނަށް ފާހަގަކުރެވިފައިވާ ކަމަަށާއި އަދި މިއީ ތިމާވެެއްޓަށާއި ފަޅުތެރެ، ބޭނުންކުރާ އެހެނިހެން ފަރާތްތަކަށް، އޭގެ ނޭދެވޭ އަސަރު ފޯރާނެ ކަމަކަށްވާތީ، ހުޅުމާލޭ ފަޅުތެރޭގައި، ފައިބަރުގެ އެއްވެސް މަސައްކަތެއް ކުރުމަކީ، މަނާކަމެއް ކަމަށްށެވެ.

Ad by Hajj Corporation

އެހެންކަމުން ހުޅުމާލޭގެ ފަޅުތެރޭގައި، މިފަދަ މަސައްކަތްތައް ކުރަމުންދާ ނަމަ އަންނަ އާދިއްތަ ދުވަހުގެ ރޭގަނޑު 00:00 ކުރިން އެ މަސައްކަތް ހުއްޓާލުމަށް، ނުވަތަ މިފަދަ މަސައްކަތް ކުރުމަށް ކަނޑައެޅިފައިވާ ސަރަހައްދަކަށް ބަދަލުކުރުމަށް އެޗްޑީސީން ވަނީ އަންގާފައެވެ.

އަދި އެ މުއްދަތުގެ ކުރިން މިފަދަ މަސައްކަތްތައް ހުއްޓާލާފައި ނުވާނަމަ މެރިން ޕޮލިސް އާއި ކަމާގުޅުންހުރި އެހެނިހެން، އިދާރާތަކާ، ގުޅިގެން އެކަންކަން ހުއްޓުވުމުގެ މަސައްކަތް ކުރިއަށްގެންދާނެ ކަމަށްވެސް އެޗްޑީސީން ބުނެފައިވެއެވެ.