ރާއްޖޭގެ ދެ ސަރަހައްދެއްގައި ރޯވި އަލިފާން އެމްއެންޑީއެފް އިން ނިއްވާލައިފިއެވެ.

އެމްއެންޑީއެފް އިން ބުނީ އަލިފާން ރޯވެފައިވަނީ ފުވައްމުލަކު ސިޓީ ފުނާޑު އަވަށު ޗަސްބިން ސަރަހައްދުގައާއި ސ. މީދޫ މަތިކިޅި ކައިރި ވަލުތެރޭގައި ކަމަށެވެ.

Ad by Hajj Corporation

މީގެތެރެއިް ފުވައްމުލަކު ސިޓީ ފުނާޑު އަވަށު ޗަސްބިން ސަރަހައްދުގައި ރޯވި އަލިފާނުގެ ހާދިސާގެ ރިޕޯޓު އެމްއެންޑީއެފް ސަދަން އޭރިއާ ކޮމާންޑް، ފުވައްމުލަކު ފަޔަރ ސްޓޭޝަނަށް ލިބުނީ މިއަދު 14:30 ހާއިރު ކަމަށެވެ. އެ ރިޕޯޓު ލިބުމާއެކު އެ ފަޔަރ ސްޓޭޝަނުގެ ފަޔަރފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައިވާ ކަމަށް ބުނެއެވެ.

މިގޮތުން، ފަޔަރފައިޓަރުން ކުރި މަސައްކަތުން އަލިފާން ނިއްވާލެވުނީ  16:00 ހާއިރުކަމަށް އެމްއެންޑީއެފް އިން ބުނެއެވެ.

މީގެއިތުރުން ސ. މީދޫ މަތިކިޅި ކައިރި ވަލުތެރޭގައި އަލިފާން ރޯވިކަމުގެ މައުލޫމާތު އެމްއެންޑީއެފް ސަދަން އޭރިއާ ކޮމާންޑް، ހުޅުމީދޫ ފަޔަރ ސްޓޭޝަނަށް ލިބުނީ މިއަދު 11:45 ހާއިރު ކަމަށް ވަނީ ބުނެފައެވެ. އަދި އެ ފަޔަރ ސްޓޭޝަނުގެ ފަޔަރފައިޓަރުން އެ ސަރަހައްދަށް ގޮސް، ކުރި މަސައްކަތުން އަލިފާން ނިއްވާލެވުނީ  12:05 ހާއިރު ކަމުގައި ބުނެއެވެ.

އެމްއެންޑީއެފް އިން ބުނީ މި ދެ ހާދިސާގައި އެއްވެސް މީހަކަށް އަނިޔާއެއް ލިބުނު ކަމުގެ ރިޕޯޓެއް ލިބިފައި ނުވާކަމަށެވެ.