ބާސެލޯނާގެ ޒުވާން މިޑްފީލްޑަރު ޑްރޯ ފެނާންޑޭޒް ފްރާންސްގެ ގަދަބާރު ޕީއެސްޖީއަށް ބަދަލުވުމުގެ މަސައްކަތް ވަރަށް ބާރަށް ކުރިއަށްދާ ކަމަށް ރިޕޯޓްތައް ބުނެފިއެވެ. އުމުރުން 18 އަހަރުގެ މި ކުޅުންތެރިޔާ ޕީއެސްޖީއާއެކު 2030 ވަނަ އަހަރުގެ ނިޔަލަށް ދިގު މުއްދަތުގެ ކޮންޓްރެކްޓެއްގައި ސޮއިކުރާނެކަމަށް ބެލެވެއެވެ.

ޔޫރަޕްގެ ބޮޑެތި ކްލަބްތައް ކަމަށްވާ މެންޗެސްޓަރ ސިޓީ، ބޮރޫޝިއާ ޑޯޓްމަންޑް އަދި ޗެލްސީން ވެސް މި ޒުވާން ކުޅުންތެރިޔާއަށް ޝައުގުވެރިކަން ފާޅުކޮށްފައިވެއެވެ. ނަމަވެސް، މި ރޭހުގައި މިހާރު އެންމެ ކުރީގައި އުޅެނީ ޕީއެސްޖީއެވެ. ރިޕޯޓްތައް ބުނާ ގޮތުގައި ޕީއެސްޖީން ވަނީ މިހާރު އެ ކުޅުންތެރިޔާއާއެކު އެއްބަސްވުމަކަށް އައިސްފައެވެ.

Ad by Hajj Corporation

ސްޕެއިންގެ މި ހުނަރުވެރި މިޑްފީލްޑަރު ހޯދުމަށްޓަކައި ޕީއެސްޖީން އޭނާގެ ރިލީޒް ކްލޯޒްގެ ގޮތުގައި އޮތް 6 މިލިއަން ޔޫރޯ ދައްކަން ޖެހޭނެއެވެ. ބާސެލޯނާގެ އެކަޑަމީން ތަމްރީނުވެފައިވާ ފެނާންޑޭޒް ޕީއެސްޖީއަށް ބަދަލުވުމަކީ އެ ޓީމުގެ މުސްތަގުބަލަށް އެޅޭ މުހިންމު ފިޔަވަޅެއްގެ ގޮތުގައި ފުޓްބޯޅަ ދިރާސާކުރާ ފަރާތްތަކުން ދެކެއެވެ.

ޑްރޯ ފެނާންޑޭޡް އަކީ ބާސެލޯނާގެ މިހާރުގެ ކޯޗް ފްލިކް ވަރަށް ގަޔާވާ ކުޅުންތެރިޔަކަށްވީއިރު، ލަމާސިއާގެ ޔަމާލްގެ ފަހުން އެކަޑެމީއިން ގްރެޖުއޭޓްވި އެންމެ އުއްމީދީ ކުޅުންތެރިޔަކީވެސް ޑްރޯ ފެނާންޑޭޒްއެވެ. ވބާސެލޯނާ ދޫކޮށްލަން ބޭނުންވާކަން ޑްރޯ ކުލަބަށް އަންގާފައިވާއިރު، މިއީ ބާސެލޯނާއަށް ލިބޭނެ ބޮޑު ގެއްލުމެއްކަމަށް ގިނަބަޔަކު ޤަބޫލުކުރެއެވެ.