ބަންގްލަދޭޝް އަށް ނިސްބަތްވާ ހަތަރު މީހަކު ހޯދުމަށް މޯލްޑިވްސް އިމިގްރޭޝަނުން އިއުލާނުކޮށްފިއެވެ.

އިމިގްރޭޝަނުން ކޮށްފައިވާ ޕޯސްޓެއްގައި ވަނީ އެ މީހުން އަދިވެސް ނުފެންނާތީ، ފޮޓޯ އާއި ވަނަވަރާއެކު އާންމުކޮށްފައެވެ.އަދި އެމީހުންނާއި ގުޅޭގޮތުން އެއްވެސް މައުލޫމާތެއް އެނގޭނަމަ 7980408 މި ނަންބަރަށް ގުޅައި މައުލޫމާތު ހިއްސާކުރުމަށް ވެސް އިމިގްރޭޝަނުން ވަނީ އެދިފައެވެ.

Ad by Hajj Corporation

އިމިގްރޭޝަނުން ހޯދަމުންދާ ބަންގްލަދޭޝްގެ ހަތަރު މީހުންނަކީ، ޖިއާއުރް ރަހްމާން ބިޝްވާސް (46އ)، ރަފީގުލް (32އ)، އަދި އެމްޑީ އާރިފް ޓަޓީ (22އ) ގެ އިތުރުން އެމްޑީ ސަހާދަތް ހޮސެއިން (27އ) އެވެ.

އެ މީހުން ހޯދަނީ ކޮން މަައްސަލައަކާ ގުޅިގެން ކަމެއް އިމިގްރޭޝަނުން ހާމަކޮށްފައެއް ނުވެއެވެ.

އިމިގްރޭޝަނުން މި އަހަރާއި މިދިޔަ އަހަރުގެ ތެރޭގައި ހިންގި ރެއިޑް އޮޕަރޭޝަންތަކުގައި މިހާތަނަށް ގިނަ އަދަދެއްގެ ބިދޭސީން ވަނީ ހައްޔަރުކޮށްފައެވެ. އަދި މި މައްސަލަތަކާ ގުޅިގެން ޑިޕޯޓޭޝަން ސެންޓަރުގައި ބަންދުކުރާ ފަރާތްތައް އެ މީހުންގެ ގައުމުތަކަށް ފޮނުވުމުގެ މަސައްކަތް ވެސް ދަނީ ކުރަމުންނެވެ.

ގަވާއިދާ ހިލާފަށް ރާއްޖޭގައި އުޅޭ ބިދޭސީން މޮނިޓަރުކުރުމަށް އިމިގްރޭޝަނުން ކުރަމުންދާ މަސައްކަތްތަކުގެ ތެރެއިން، މާލޭގެ އާންމު ތަންތަނުގައި އޮފިސަރުން އޮބްޒާވޭޝަން މަސައްކަތްތައް ވެސް މިހާރު ދަނީ ކުރިއަށެވެ.