ފިލިޕީންސްގެ ދެކުނު ބެސިލާންގައި ފެރީއެއް ބަންޑުންޖަހާލި ހިތާމަވެރި ހާދިސާއާއި ގުޅިގެން ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، އެޤައުމުގެ ރައީސް، ހިޒް އެކްސަލަންސީ ފާޑިނަންޑް ރޮމުލްޑޭޒް މާކޯސް ޖޭ، އާރ އަށް ތަޢުޒިޔާގެ މެސެޖެއް ފޮނުއްވައިފިއެވެ.

ރައީސުލްޖުމްހޫރިއްޔާގެ މެސެޖުގައި، އެތައް ބަޔަކު މަރުވެ، ގިނަ ބަޔަކު ގެއްލުނު މި ނުރައްކާތެރި ހާދިސާއާއި ގުޅިގެން ނުހަނު ފުން ހިތާމައެއް ލިބިވަޑައިގެންނެވިކަން ހާމަކުރައްވާފައި ވެއެވެ.

Ad by Hajj Corporation

އެމަނިކުފާނުގެ މެސެޖުގައި ފިލިޕީންސްގެ ރައީސް ހިޒް އެކްސަލަންސީ ފާޑިނަންޑް ރޮމުލްޑޭޒް މާކޯސް އާއި، އެޤައުމުގެ ސަރުކާރަށާ، ރައްޔިތުންނާއި، ޙާދިސާގައި ނިޔާވި މީހުންގެ ޢާއިލާތަކަށް، ދިވެހި ސަރުކާރާއި ރައްޔިތުންގެ ނަމުގައި، ހަމްދަރުދީ ފާޅުކުރައްވައި، ތަޢުޒިޔާ ފޮނުއްވާފައި ވެއެވެ.

އަދި މި ހާދިސާގައި، ޒަޚަމްވި މީހުންނަށް އަވަސް ޝިފާއަކަށް އެދިވަޑައިގެން، ގެއްލިފައިވާ މީހުން ހޯދުމަށް، ކުރަމުންދާ މަސައްކަތްތައް ކާމިޔާބު ވުމަށްވެސް، އެދިވަޑައިގެންފައި ވެއެވެ.