ދުންފުހުގެ އަސަރު މިއަދު ރާއްޖޭގެ ހުރިހާ ހިސާބަކަށް ވެސް ނުރައްކާތެރި މިންވަރަކަށް އިތުރުވެފައިވާ ކަމަށް މެޓް އޮފީހުން ބުނެފިއެވެ.

މެޓްއޮފީހުން ބުނީ،ވޭތުވެދިޔަ 7 ދުވަހަށް ބަލާއިރު މީގެ އަސަރު އެންމެ ބޮޑަށް ކޮށްފައިވަނީ މިއަދު ކަމަށެވެ. އަދި މޫސުމާ ބެހޭ ރިޕޯޓް ތަކުން ދައްކާގޮތުން ދުރު ފެންނަ މިންވަރުުވެސް ވަނީ 2 ކިލޯމީޓަރަށް ވުރެ ދަށްވެފައި ކަމަށް ވެސް އެ އިދާރާއިން ބުނެފައިވެއެެވެ.

Ad by Hajj Corporation

ކުރިއަށް އޮތް ދެ ދުވަހުވެސް އިރުއުތުރުން އަންނަ ވަޔާއެކު،ދުންފުހުގެ އަސަރު ރާއްޖެމަތީގައި ހުންނާނެކަމަށް ބެލެވޭ ކަމަށް ވެސް އިދާރާއިން މައުލޫމާތދެއެވެ.

އެހެންކަމުން ބޭރުގައި އެކި ހަރަކާތްތަކުގައި އުޅޭ ފަރާތްތަކާއި،ކަނޑުދަތުރުކުރާ ފަރާތްތަކުން ވެސް މިކަމަށް ޚާއްސަ ސަމާލުކަމެއް ދިނުމަށް އެ އިދާރާއން ވަނީ އިލްތިމާސްކޮށްފައެވެ.

ވައި ނުސާފުވުމުން ރައްކާތެރިކަމުގެ ފިޔަވަޅުތައް އަޅަން ސިއްހީ އިދާރާތަކުން އަބަދު ވެސް އިލްތިމާސްކުރެއެވެ. އެގޮތުން، ނުރައްކާތެރި ވަރަކަށް ވައި ނުސާފުވުމުން ނާޒުކު ހާލަތުގައިވާ މީހުންނާއި އެހެން މީހުންނަށް ވެސް ނޭވާލާ ނިޒާމުގެ މައްސަލަ ޖެހުމުގެ ފުރުސަތު ބޮޑު ކަމަށް އެޗްޕީއޭއިން ބުނެއެވެ.

އެޗްޕީއޭއިން ފާހަގަކޮށްފައިވާ ރައްކާތެރިކަމުގެ ފިޔަވަޅުތަކުގެ ތެރޭގައި، ނާޒުކު ހާލަތްތަކުގައިވާ މީހުން ކޮންމެހެން ބޭރަށް ނިކުންނަން ޖެހިގެން ނޫނީ ނުނިކުތުމާއި، ބޭރަށް ނިކުންނަން ޖެހޭ ހާލަތްތަކުގައި މާސްކު އެޅުމާއި، ވައި ނުވަންނަހެން ދޮރުތައް ލައްޕާފައި ބެހެއްޓުމާއި، އެއާ ޕިއުރިފަޔާ ބޭނުންކުރުން ހިމެނެއެވެ.