ފުވައްމުލަކުން، ބަނގުރާ އުފައްދަން ބޭނުންކުރާ ސާމާނުތަކެއް އަތުލައިގެންފި
އިސްމާޢިލް ރާތިޢު
31 ޖެނުއަރީ 2026 - 04:24
ބަނގުރާ އުފެއްދުމަށް ބޭނުންކުރާ ކަމަށް ބެލެވޭ ގިނަ އަދަދެއްގެ ތަކެތި، ފުވައްމުލަށް ސިޓީން ފުލުހުން ހޯދައިފިއެވެ.
މިތަކެތި ހޯދާފައިވަނީ މަސްތުވާތަކެއްޗާއި، ބަނގުރަލާ ދެކޮޅަށް ފުވައްމުލައް ސިޓީ ފުލުހުން ކުރަވަމުން ގެންދާ މަސައްކަތުގެ ތެރެއިން، މި މަހުގެ 29 ވަނަ ދުވަހު ހިންގި ޚާއްޞަ އޮޕަރޭޝަނެއްގައެވެ.
ފުލުހުން ބުނިގޮތުގައި މި އޮފަރޭޝަނުގައި ފުވައްމުލައް ސިޓީގެ އެކި ސަރަޙައްދުތަކުގެ ވަލުތެރެ ބަލައި ފާސްކޮށްފައިވެއެވެ. އަދި ބަނގުރާ ކަމަށް ބެލެވޭ އެއްޗެއް ހުރި ފުޅިތަކަކާއި، ހަންތަކެއްގެ އިތުރުން ބަނގުރާ އުފެއްދުމަށް ބޭނުންކުރާ ކަމަށް ބެލެވޭ ސާމާނު ފެނިފައިވާކަމަށްވެސް ފުލުހުން ބުނެފައިވެއެވެ.
މި މައްސަލައާއި ގުޅިގެން އަދި މީހަކު ހައްޔަރުކޮށްފައިނުވާ ކަމަށް ފުލުހުން ބުނެއެވެ.
ފުލުހުން ދަނީ، މިމައްސަލަ އިތުރަަށް ތަޙުޤީޤު ކުރަމުންނެވެ.
