ނޭޝަނަލް އެގްރިކަލްޗަރ ލެބޯޓްރީން ސަރަހައްދީ ފެންވަރުގައި ދަނޑުވެރިންނަށް ބޭނުންވާ ސައްހަ މައުލޫމާތާއި ފަންނީ އިރުޝާދު ފޯރުކޮށްދެވޭނެ ކަމަށް އެގްރިކަލްޗަރ މިނިސްޓަރ ޑރ. މަރްޔަމް މާރިޔާ ވިދާޅުވެއްޖެއެވެ.

މިނިސްޓަރ މިހެން ވިދާޅުވީ ފުވައްމުލައް ސިޓީގައި ދަނޑުވެރިކަމުގެ ގައުމީ ލެބޯޓަރީ ރަސްމީކޮށް އިފްތިތާހުކުރުމަށް ބޭއްވި ރަސްމިއްޔާތުގައި ވާހަކަ ދައްކަވަމުންނެވެ. އެގޮތުން މިނިސްޓަރ ވިދާޅުވީ ނޭޝަނަލް އެގްރިކަލްޗަރ ލެބޯޓްރީ އާއެކު ކާނާގެ ރައްކާތެރިކަން ކަށަވަރުކުރުމަށް އާރޯކަމެއް ލިބޭނެ ކަމަށާއި "ނޭޝަނަލް އެގްރިކަލްޗަރ ލެބޯޓްރީ" އާއެކު، ދަނޑުވެރިކަމުގެ ޚިދުމަތްތައް ޒަމާނީ ފެންވަރަށް ތަރައްގީކުރުމަށް މަގުފަހިވާނެ ކަމަށެވެ. އަދި ގައުމީ ފެންވަރުގައި ކާނާގެ ރައްކާތެރިކަން ކަށަވަރުކުރުމަށްޓަކައި ކުރަމުންދާ މަސައްކަތްތަކަށް އާރޯކަމެއް ލިބޭނެ ކަމަށް ވެސް ވިދާޅުވިއެވެ.

Ad by Hajj Corporation

މީގެ އިތުރުން މިނިސްޓަރު ވިދާޅުވީ ޕީ.ޑީ.އެސް.އޭ.އީ މަޝްރޫއުގެ ދަށުން ގާއިމުކުރި މި ލެބޯޓްރީއަކީ، ދަނޑުވެރިކަމުގެ ދާއިރާ ތަރައްގީކޮށް، މޫސުމީ ބަދަލުތަކަށް ދަނޑުވެރިން އަހުލުވެރިކުރުވުމަށް ބޭނުންވާ ފަންނީ އެހީތެރިކަން އެއް ފުރާޅެއްގެ ދަށުން ފޯރުކޮށްދިނުމަށް އެކުލަވައިލެވިފައިވާ މަރުކަޒެއް ކަމަށެވެ. އަދި މި މަރުކަޒުގެ ހިދުމަތްތަކުގެ ތެރޭގައި ފަސްގަނޑު ތަހުލީލުކުރުމާއި، ގަސްގަހާގެހީގެ ބަލިތައް ދެނެގަތުން ހިމެނޭ ކަމަށް ވެސް ވިދާޅުވިއެވެ.

ހަމަމިއާއެކު ސޫފާސޫފި ދިރާސާކުރުމާއި "ޕްލާންޓް ޓިޝޫ ކަލްޗަރ" ފަދަ ޒަމާނީ ފަންނީ ވަސީލަތްތައް ހިމެނޭ ކަމަށް ވެސް އެކަމަނާ ވިދާޅުވިއެވެ. އަދި ފުވައްމުލަށް ސިޓީގައި ބިނާކުރި މަރުކަޒަކީ މުޅި ރާއްޖޭގައި އެމްގެޕް ތަންފީޒުކުރުމަށް އެޅުނު މުހިންމު ފިޔަވަޅެއްކަން ވެސް ވަނީ ފާހަގަކުރައްވާފައެވެ.

އެގްރިކަލްޗަރ މިނިސްޓަރ ވަނީ މޫސުމީ ބަދަލުތަކާ ގުޅޭނޭފަދަ ބާވަތްތައް އިޚްތިޔާރުކުރުމަށް މަގުފަހިވުމާއި ބަލިތައް ހަރުދަނާކަމާއެކު ކޮންޓްރޯލްކުރުމަށާއި ފަސްގަނޑުގެ ފެންވަރު ރަނގަޅުކޮށް އުފެއްދުންތެރިކަން އިތުރުކުރުމަށް ބޮޑު އެހީތެރިކަމެއް ވެސް މި މަރުކަޒުގެ ސަބަބުބް ލިބިގެންދާނެކަމަށް ވެސް ވިދާޅުވެފައެވެ.

މީގެއިތުރުން ރަށްރަށުގެ ފެންވަރުގައި ދަނޑުވެރިކަމުގެ އިރުޝާދާއި ލަފާދޭ ނިޒާމު ހަރުދަނާކޮށް، މި މަރުކަޒު މެދުވެރިކޮށް ދަނޑުވެރިންނަށް ބޭނުންވާ ޢަމަލީ ތަމްރީނުތައް ހޯދުމުގެ ފުރުސަތު ތަނަވަސްވެގެންދާނެ ކަމުގައި ވެސް ވިދާޅުވިއެވެ. މިގޮތުން 'ސީޑްސް' މަޝްރޫއުގެ ދަށުން އެހީތެރިކަން ފޯރުކޮށްދޭ 250 ދަނޑުވެރިން ވެސް މި މަސައްކަތުގައި ޝާމިލުވާ ކަމަށް ވިދާޅުވިއެވެ.