މޯލްޑިވްސް ބްލަޑް ސާރވިސަސް (އެމްބީއެސް) އަށް ދިމާވެފައިވާ ލޭ ލިބުމުގެ ދަތިކަމަށް ހައްލެއް ހޯދުމަށް އެހީތެރިވުމުގެ ގޮތުން މޯލްޑިވްސް ޕޯޓްސް ލިމިޓަޑް (އެމް.ޕީ.އެލް) އިން އިންތިޒާމްކޮށްގެން "ޕޯޓް ކޮމިއުނިޓީ ބްލަޑް ޑޮނޭޝަން ކޭމްޕް" ވަނީ މިއަދު ފަށައިފައެވެ. 

އެމް.ޕީ.އެލްގެ ހެޑް އޮފީހުގައި މިއަދު ހެނދުނު 11:00 އިން އިރުއޮއްސި 18:30 އަށް ކުރިއަށް ގެންދާ ބްލަޑް ޑޮނޭޝަން ކޭމްޕް ކުރިއަށް ގެންދަނިީ އެމް.ޕީ.އެލްގެ މުވައްޒަފުންނާއި، މާލޭ ވިޔަފާރި ބަނދަރުގައި މަސައްކަތްކުރާ ފަރާތްތަކާއި އާންމުންނަށް ހުޅުވާލައިގެންނެވެ.

Ad by Hajj Corporation

މި ކޭމްޕް ކުރިއަށް ގެންދަނީ އެމް.ޕީ.އެލް އާއި މޯލްޑިވްސް ބްލަޑް ސާރވިސަސް (އެމްބީއެސް) އާއި، މާލެ ސިޓީ ގްރޫޕް އޮފް ހޮސްޕިޓަލްސް އަދި ލޭ އެޕްއާ ގުޅިގެންނެވެ. 

މި ހަރަކާތަކީ ރާއްޖޭގެ ބްލަޑް ބޭންކްގައި ހުރި ލޭ މަދުވެ، އާންމުންގެ އެހީތެރިކަަމަށްވެސް އެމް.ބީ.އެސްއިން އެދިފައިވާތީ އެމް.ޕީ.އެލް އިން އިސްނަގައިގެން އިންތިޒާމްކުރި ކޭމްޕެކެވެ.

މި ބްލަޑް ކޭމްޕްގައި މި ކުންފުނީގެ ގިނަ މުވައްޒަފުންތަކެއް ވަނީ ބައިވެރިވެފައެވެ. އަދި ވީހާވެސް ގިނަ ބަޔަކު މި ކޭމްޕްގައި ބައިވެރިވުމަކީ އެމް.ޕީ.އެލްގެ ވަރަށް ބޮޑު އެދުމެކެވެ.