މޯލްޑިވްސް ކަރެކްޝަނަލް ސާވިސްގެ ބެލުމުގެ ދަށުން ޖަލުގައި ހުކުމް ތަންފީޒް ކުރަމުން ދަނިކޮށް, ނިޔާވި ދެ ގައިދީން މަރުގެ މައްސަލަ ތަހުގީގު ކުރުމުގެ މަސައްކަތް ފަށައި އެޓޮޕްސީ ހެދުމަށް އެ ދެ ގައިދީންގެ ހަށިގަނޑު އިންޑިއާއަށް ގެންގޮސްފިއެވެ.

ހުޅުމާލޭ ޖަލުގައި މަރުވެފައިވަނީ މާލޭ ދަފްތަރު ނރ.439، އުމުރުން 53 އަހަރުގެ އިބްރާހިމް ސުހައިލާއި ދިއްގާގަސްދޮށުގެ / ސ.ހިތަދޫ، ޙަސަން ނިޔާޒު, 45އ. އެވެ.

Ad by Hajj Corporation

މިދިޔަ އާދިއްތަ ދުވަހު ފުލުހުން ވަނީ، އެ ދެ މީހުންގެ މަރުގެ މައްސަލަ ތަހުގީގު ކުރަމުން އަންނަކަން ހާމަކޮށްފައެވެ.

ފުލުހުން މިއަދު ބުނީ، ހަސަން ނިޔާޒް އާއި އިބްރާހިމް ސުހެއިލްގެ ހަށިގަނޑުގެ އޮޓޮޕްސީ ހެދުމަށް މި މަހުގެ 11 ވަނަ ދުވަހު ވަނީ އިންޑިއާއަށް ގެންގޮސްފައި ކަމަށެވެ.

ޖަލުގައި ހުއްޓައި ހަސަން ނިޔާޒު ގެ ހާލުދެރަވެގެން ހުޅުމާލެ ހޮސްޕިޓަލަށް ގެންދިޔަ އިރު ވަނީ ނިޔާވެފައެވެ. އަދި އިބްރާހީމް ސުހައިލް ނިޔާވީ އައިޖީއެމް ހޮސްޕިޓަލްގައި އެޑްމިޓްކޮށްގެން ފަރުވާދެމުންދަނިކޮށެވެ.

ފުލުހުން ގެންދަނީ މި މައްސަލަ ތަހުގީގުކުރަމުންނެވެ.