ދަތުރުކުރަމުންދިޔަ މަސްދޯންޏެއްގައި އަލިފާން ރޯވެގެން، ފުލުހުންނާއި ސިފައިން އެ ސަރަހައްދުގައި ހަރަކާތްތެރިވާން ފަށައިފިއެވެ.

ފުލުހުން މައުލޫމާތު ދޭ ގޮތުގައި، މި ހާދިސާގެ ރިޕޯޓު ލިބިފައިވަނީ މިއަދު (14 ފެބުރުވަރީ 2026) މެންދުރުފަހު 14:54 އެހައިކަންހާއިރުއެވެ. މި ހާދިސާ ހިނގާފައިވަނީ ކުރުނބާ މޯލްޑިވްސް ރިސޯޓާ ގާތް ސަރަހައްދެއްގައި ކަމަށްވެސް ފުލުހުން ބުނެފައިވެއެވެ.

Ad by Hajj Corporation

މި ހާދިސާއާ ގުޅިގެން އެމްއެންޑީއެފުން ބުނީ، 15 މީހުންނާއެކު ކ. ދޫނިދޫ ކައިރިން ދަތުރުކުރަމުންދިޔަ މަސްދޯންޏެއްގައި އަލިފާން ރޯވެގެން އުޅޭކަމުގެ ރިޕޯޓު ލިބުމާ ގުޅިގެން، އެމްއެންޑީއެފް މާލޭ އޭރިއާ ކޮމާންޑް، ހުޅުމާލޭ ފަޔަރ ސްޓޭޝަނުން މިހާރު ދަނީ އެ ސަރަހައްދުގައި ހަރަކާތްތެރިވަމުން ކަމަށެވެ.

ފުލުހުން ބުނީ، އަލިފާން ރޯވި މަސްދޯންޏަށް އެހީތެރިކަން ފޯރުކޮށްދިނުމަށާއި، ހާލަތު ބެލުމަށް ފުލުހުންގެ ޓީމެއްވެސް އެ ސަރަހައްދުގައި ދަނީ ހަރަކާތްތެރިވަމުންނެވެ.

މި ހާދިސާގައި އެއްވެސް މީހަކަށް އަނިޔާއެއް ލިބިފައިވާކަމެއް ނުވަތަ ނޫންކަމެއް އަދި ދޯންޏަށް ލިބުނު ގެއްލުމުގެ އެއްވެސް ތަފްސީލެއް ކަމާބެހޭ އިދާރާތަކުން އަދި ހާމަކޮށްފައެއް ނުވެއެވެ.