ކުރިއަށް އޮތް ބަރަކާތްތެރި ރަމަޟާން މަހާއި، އެ މަހާ ވިދިގެން އަންނަ ޝައްވާލު މަހުގެ ފުރަތަމަ ހަތް ދުވަހު މޯލްޑިވްސް މަނިޓަރީ އޮތޯރިޓީ (އެމްއެމްއޭ) ހުޅުވާފައި ހުންނާނެ ގަޑިތައް އެ އޮތޯރިޓީން މިއަދު އިއުލާންކޮށްފިއެވެ.

އެމްއެމްއޭ އިން ބުނީ، ރަމަޟާން މަހާއި ހަ ރޯދައިގެ ދުވަސްތަކުގައި އެ އޮތޯރިޓީ ހުޅުވިފައި ހުންނާނީ ހެނދުނު 09:00 އިން މެންދުރުފަހު 01:00 އަށް ކަމަށާއި، މިއީ ރަމަޟާން މަހުގެ މަސައްކަތު ގަޑިތަކަށް ސަރުކާރުން ގެންނަވާ ބަދަލުތަކާ އެއްގޮތަށް ނިންމަވާފައިވާ ނިންމެވުމެއް ކަމަށެވެ.

Ad by Hajj Corporation

އެމްއެމްއޭ އިން އިތުރަށް ހާމަކުރި ގޮތުގައި، އާންމުންނަށް ބޭންކިން ހިދުމަތްތައް ދިނުމަށް ހަމަޖެހިފައިވަނީ ހެނދުނު 09:00 އިން މެންދުރު 12:00 އަށެވެ. އަދި ސިޓީއާއި އެހެނިހެން ތަކެތި ބަލައިގަތުމުގެ ހިދުމަތްވެސް ކުރިއަށްދާނީ ހަމަ އެ ގަޑީގައި ކަމަށް އެ އޮތޯރިޓީން ވަނީ ބުނެފައެވެ.

ކަލަންޑަރުގައިވާ ގޮތުން މިއަހަރުގެ ރަމަޟާން މަހުގެ ފުރަތަމަ ދުވަހަކީ މި މަހުގެ 18 ވާ ބުދަ ދުވަހެވެ.ރަމަޟާން މަހަކީ ރާއްޖޭގެ އިގްތިސާދީ އަދި އިޖުތިމާއީ ހަރަކާތްތަކަށް ބަދަލުތަކެއް އަންނަ މަހަކަށް ވާއިރު، މަރުކަޒީ ބޭންކުގެ ހިދުމަތްތައް މެދުނުކެނޑި އާންމުންނަށް ލިބޭނެ އިންތިޒާމުތައް ހަމަޖެއްސުމަކީ އެމްއެމްއޭއިން އަބަދުވެސް ހާއްސަ އިސްކަމެއްދޭ ކަމެކެވެ.