ވެލާނާ އިންޓަނޭޝަނަލް އެއާޕޯޓު (ވީއައިއޭ) ގެ ޑޮމެސްޓިކް ޓާމިނަލްގެ އޮޕަރޭޝަންތައް، ކުރީގެ އިންޓަނޭޝަނަލް ޓާމިނަލް ނުވަތަ ޓާމިނަލް 2 އަށް ރޭ ވަނީ ރަސްމީކޮށް ބަދަލުކޮށްފައެވެ. ނަ

އިބު ރައީސް ހުސައިން މުހައްމަދު ލަތީފު ޝަރަފުވެރިކޮށްދެއްވި މި ބަދަލާއެކު، އެތެރޭގެ އުދުހުންތަކަށް ބޭނުންކުރާ ވަސީލަތްތަކާއި ހިދުމަތްތަކަށް ބޮޑެތި ކުރިއެރުންތަކެއް ވަނީ ގެނެސްފައެވެ.

Ad by Hajj Corporation

އާ ޑޮމެސްޓިކް ޓާމިނަލްގައި ޗެކިން ކައުންޓަރުތަކުގެ އަދަދު 8 އިން 27 އަށް އިތުރުކޮށްފައިވާއިރު، ސެކިއުރިޓީ ކްލިއަރެންސަށް ތިން މެޝިނާއި ހަ ޑިޕާޗާ ގޭޓު ވަނީ ގާއިމުކޮށްފައެވެ.

މީގެ އިތުރުން، ދެ ޖިންސަށް ވަކިން ނަމާދުކުރެވޭނެ އިންތިޒާމާއި، ކުޑަކުދިން ކުޅޭނެ ސަރަހައްދަކާއި، ތިން އެފްއެންޑްބީ އައުޓްލެޓްގެ އިތުރުން ކުރިއަށްވުރެ ހަތަރު ގުނަ ބޮޑު ދެ ބެގޭޖު ބެލްޓު މި ޓާމިނަލްގައި ހިމެނެއެވެ.

ޓްރެފިކް ފްލޯއަށް ގެނެވުނު ބަދަލުތައް

މި ބަދަލާ ގުޅިގެން އެއާޕޯޓުގެ ޓްރެފިކް ފްލޯއަށް ވެސް ވަނީ ބަދަލުތަކެއް ގެނެސްފައެވެ. އެގޮތުން ޑޮމެސްޓިކް ފަސިންޖަރުން މިހާރު ޓެކްސީ ހޯދުމަށް ދާންޖެހޭނީ އާ ޓާމިނަލްގެ ޓެކްސީ ކިއުއަށެވެ. މި މަސައްކަތަކީ އެމްއޭސީއެލްގެ މުވައްޒަފުންގެ ބުރަ މަސައްކަތުން ވަރަށް ކުރު މުއްދަތެއްގެ ތެރޭގައި ނިންމާލެވުނު މަސައްކަތެއްކަން އެ ކުންފުނިން ފާހަގަކުރެއެވެ.

ނައިބު ރައީސްގެ ވާހަކަފުޅުގައި، މިއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ރައްޔިތުންނަށް ދިމާވެފައިވާ ދަތިތައް ހައްލުކޮށްދެއްވުމަށް ދެއްވާ އިސްކަމުގެ ނަތީޖާއެއްކަން ފާހަގަކުރެއްވިއެވެ. އަދި މި ޒަމާނީ ޓާމިނަލްގެ ސަބަބުން ދަތުރުވެރިންނަށް ލިބޭ ހިދުމަތްތައް އަވަސްވެ، ރާއްޖޭގެ އިގްތިސާދަށް ހެޔޮ ބަދަލުތަކެއް އަންނާނެ ކަމަށް އުންމީދުކުރައްވާ ކަމަށް ވިދާޅުވިއެވެ.