ޖަލުތަކުގެ މިސްކިތްތަކުގައި ފުރަތަމަ ފަހަރަށް ތަރާވީޙް ނަމާދުކުރުމުގެ އިންތިޒާމު ހަމަޖައްސައިފިއެވެ.

ކަރެކްޝަންސްއިން އިއްޔެ ބުނީ، ކަރެކްޝަންސްގެ ހުރިހާ ޖަލެއްގެ މިސްކިތްތަކުގައި ފުރަތަމަ ފަހަރަށް ރަސްމީކޮށް ތަރާވީޙް ނަމާދުކުރުމަށާއި، ގައިދީންނާއި ބަންދު މީހުންނަށް ދީނީ ސެޝަންތައް ކުރިއަށް ގެންދަން ހާފިޒުން ހަމަޖައްސާފައިވާ ކަމަށެވެ.

Ad by Hajj Corporation

މީސްމީޑިއާގައި ކަރެކްޝަންސްއިން އާންމުކުރި ފޮޓޯތަކުން ފެންނަ ގޮތުގައި ތިން ހާފިޒަކު ވަނީ ޖަލުތަކުގެ މިސްކިތްތަކުގައި އިމާމުވެ ތަރާވީޙް ނަމާދުކޮށް، ގައިދީންނަށް ދީނީ ސެޝަންތައް ކުރިއަށް ގެންދަން ހަމަޖައްސައިފައެވެ.

މި ފެށުނު ރަމަޟާން މަހާ ދިމާކޮށް، ކަރެކްޝަންސްއިން ވަނީ އިސްލާމިކް މިނިސްޓްރީއާ ގުޅިގެން މާފުށީ ޖަލާއި އައްސޭރި ޖަލުގެ އޮފިސަރުންނަށް ދީނީ ނަސޭހަތް ދިނުމުގެ ސެޝަންތަކެއް ވެސް ބާއްވައިފައެވެ.

މި ރަމަޟާން މަހު ސަރުކާރާއި، އަމިއްލަ ފަރާތްތަކުންވަނީ، ރަމަޟާން މަސް ދިރުވާ އާލާކުރުމުގެ ގޮތުން ގިނަ ހަރަކާތްތަކެއް ރާވާފައެވެ.