އެމެރިކާއިން އީރާނަށް އަލުން ހަމަލާ ދީފި ނަމަ ނަތީޖާ ވަރަށް ގޯސްވާނެ ކަމަށް ރަޝިއާ އިން ބުނެފިއެވެ.

އެގައުމުގެ ފޮރިން މިނިސްޓަރ ސިރްގިޔޭ ލެވްރޮފް މިހެން ބުނެފައިމިވަނީ ސަޢޫދީ ޢަރަބިއްޔާގެ ނޫހެއްކަމަށްބާ އަލް-ޢަރަބިއްޔާ ނޫހަށް ދެއްވި ބަސްދީގަތުމެއްގައެވެ.

Ad by Hajj Corporation

އޭނާ ވަނީ ސުލްހަވެރިކަމާ އެކު ނިއުކްލިޔަރ ހަކަތަ އުފެއްދުމުގެ ޕުރޮގުރާމެއް ކުރިއަށް ގެންދިޔުމުގެ ހައްގު އީރާނަށް ހޯދައިދިނުމުގެ ގޮތުން ކެތްތެރިކަމާ އެކު ހައްލެއް ހޯދަން މަސައްކަތް ކުރަން ޖެހޭކަން ފާހަގަކުރައްވާފައެވެ. އަދި ހުސްވި އަހަރު އެމެރިކާއިން އީރާނަށް ދީފައިވާ ހަމަލާތަކަށް އަލިއަޅުވާލައްވާ ވިދާޅުވީ އެމެރިކާގެ އަސްކަރިއްޔާއިން ޙަމަލާ ދީފައިވަނީ އެޓޮމިކް ހަކަތައާ ބެހޭ ބައިނަލްއަގުވާމީ އިދާރާ (އައިއޭއީއޭ) ގެ ބެލުމުގެ ދަށުގައި ހުރި މަރުކަޒުތަކަކަށް ކަމުގައެވެ. އަދި އެ ހަމަލާތަކާ ގުޅިގެން ނުރައްކާތެރި ނިއުކްލިޔަރ ހާދިސާއެއް ހިނގުމުގެ ނުރައްކާ އޮތް ކަމުގައި ވެސް ވިދާޅުވިއެވެ.

މީގެއިތުރުން ޢަރަބި ޤައުމުތަކުން އެމެރިކާއަށް ދެމުންދާ މެސެޖަކީ، ކެތްތެރިކަން އިސްކުރުން ކަމަށާއި އީރާންގެ ނިއުކްލިޔަރ ހަކަތަ އުފެއްދުމުގެ ޕުރޮގުރާމަކީ އެ ޤައުމުގެ ޤާނޫނީ ޙައްޤަށް އުނިކަން ނާންނާނެ ފަދަ ގޮތަކަށް ސުލްޙަވެރި ބޭނުންތަކަށް ހިންގާ ޕުރޮގުރާމެއް ކަން ކަށަވަރު ކުރެވޭނެ ފަދަ އެއްބަސްވުމެއް އެކުލަވައިލުމަށް އިސްކަންދިނުމަށް ކަމުގައި ވިދާޅުވިއެވެ.