އީރާނުގެ މިނިވަންކަން ދިފާއުކުރުމަށް ރަޝިއާ އިން އަބަދުވެސް ވާގިވެރިވާނެ ކަމުގައި ރަޝިއާގެ ރައީސް ވްލަޑިމިއާ ޕުޓިން ވިދާޅުވެއްޖެއެވެ.

ޕުޓިން މިހެން ވިދާޅުވީ އީރާނުގެ އިންގިލާބަށް ކާމިޔާބު ލިބުނުތާ 47 އަހަރު ފުރުމުގެ މުނާސަބަތުގައި އީރާނުގެ ރައީސް މަސްއޫދު ޕެޒެޝްކިއަން އަށް ފޮނުއްވި ތަހުނިޔާގެ މެސެޖެއްގައެވެ.

Ad by Hajj Corporation

އެ މެސެޖުގައި ދެ ގައުމުގެ ދެމެދުގައި އޮންނަ ގުޅުމަކީ ބަދަހި އެކުވެރި ގުޅުމެއް ކަމަށާއި ރަޝިޔާއިން އީރާނުގެ އިސްތިގުލާލާއި ޝަރުއީ މަސްލަހަތު ހިމާޔަތްކުރުމަށް އަބަދުވެސް ދެމިއޮންނާނެ ކަމަށް ވަނީ ވިދާޅުވެފައެވެ. އަދި އެ ގައުމުގެ ސަލާމަތީ ކަންކަން ކަށަވަރުކުރުމަށް ކުރާ މަސައްކަތަށް ތާއީދުކުރާނެ ކަމަށް ވިދާޅުވެފައި ވެއެވެ.

މީގެ އިތުރުން މޮސްކޯ އާއި ތެހެރާނާ ދެމެދު އޮންނަ ފުރިހަމަ ސްޓްރެޓެޖިކް އެއްބާރުލުން ހަރުދަނާ ކުރާނެ ކަމުގެ ޔަގީންކަން ޕޫޓިން ވަނީ ދެއްވާފައެވެ. އަދި އީރާނުގެ ރައީސަށް ހެޔޮ ސިއްހަތާއި ކާމިޔާބީއާއި އީރާނުގެ ރައްޔިތުންނަށް އުފަލާއި ފާގަތިކަމަށް ވެސް ވަނީ އެދިވަޑައިގެންފައެވެ.