ރާއްޖޭގެ ފޮރިން މިނިސްޓަރު އިރުތިޝާމް އާދަމް، ރަޝިއާގެ ފޮރިން މިނިސްޓަރު ސަރްގެއި ލަވްރޯވްއާ ބައްދަލުކުރައްވައިފި އެވެ.

މި ދެ ބޭފުޅުން ބައްދަލުކުރެއްވީ އެމެރިކާގެ ނިއުޔޯކްގައި މިހާރު ކުރިއަށްދާ އދގެ އާންމު މަޖިލީހުގެ 81 ވަނަ ބައްދަލުވުމުގެ ހަވާސާ ގައެވެ.

މި ބައްދަލުކުރެއްވުމުގައި ރާއްޖެއާއި ރަޝިއާއާ ދެމެދު އޮތް ޒަމާންވީ ގުޅުން އިތުރަށް ހަރުދަނާކުރުމާ ގުޅޭގޮތުން ދެ ބޭފުޅުން މަޝްވަރާކުރެއްވި އެވެ. އަދި ދެ ގައުމުގެ ދެމެދުގައި އިތުރަށް ގުޅުން ބަދަހިކުރުމަށާއި ހާއްސަކޮށް ފަތުރުވެރިކަމުގެ ދާއިރާއިން ގުޅުން ބަދަހިކުރުމަށް މަޝްވަރާކުރައްވާފައިވެ އެވެ.

ރާއްޖެއާއި ރަޝިއާ ސިޔާސީ ގުޅުން ގާއިމުކުރިތާ މިއަހަރަށް ވަނީ 60 އަހަރުވެފަ އެވެ.

ރަޝިއާ އަކީ މިވަގުތު ރާއްޖެއަށް އެންމެ ގިނަ ފަތުރުވެރިން އަންނަ ގައުމުގެ ހައިސިއްޔަތުން ރާއްޖޭގެ އިގްތިސާދަށް މުހިއްމު ގައުމެކެވެ.

Ad by Hajj Corporation