ފާއިތުވެދިޔަ 8 އަހަރު ތެރޭގައި އިނގިރޭސި ލީގުގެ ތަށި 6 ފަހަރަށް ކާމިޔާބުކޮށްފައިވާ މެންޗެސްޓަރ ސިޓީއިން ލީގުގެ ފަހުކޮޅުގައި އެއްވަނައިގައި އޮތް އާސެނަލް އަށް ލީގު ފަސޭހަކަމާއެކު ނެގޭނެ މަގުމ ކޮށައިދީފިއެވެ.

އިނގިރޭސި ޕްރިމިއާ ލީގުގައި ރޭ ކުޅުނު މެޗުގައި މެންޗެސްޓާ ސިޓީން ދެ ފަހަރެއްގެ މަތިން ކުރި ހޯދާފައި ވަނިކޮށް، ނޮޓިންހަމް ފޮރެސްޓުން ފަހަތުން އަރައި 2-2 އިން މެޗުވަނީ އެއްވަރުކޮށްފައެވެ..

Ad by Hajj Corporation

އިއްތިހާދު ސްޓޭޑިއަމްގައި ކުޅުނު މި މެޗުގައި ސިޓީއަށް ލަނޑުތައް ކާމިޔާބުކޮށްދިނީ އެންޓޮއިން ސެމެންޔޯ އާއި ރޮޑްރީއެވެ. ނަމަވެސް ފޮރެސްޓުގެ މޯގަން ގިބްސް-ވައިޓް އާއި އެލިއަޓް އެންޑަސަން ވަނީ ލަނޑު ޖަހައި މެޗުގެ ނަތީޖާ ހަމަހަމަކޮށްފައެވެ. މިއީ ރެލިގޭޝަން ޒޯނާ ގާތުގައި އޮތް ފޮރެސްޓަށް ލިބުނު ވަރަށް މުހިންމު ޕޮއިންޓެކެވެ.

މެޗުގެ ފުރަތަމަ ހާފުގައި ރަޔާން ޗެރްކީ ނަގައިދިން ހުރަހަކުން ސެމެންޔޯ ވަނީ ސިޓީއަށް ކުރި ހޯދައިދީފައެވެ. ނަމަވެސް ދެވަނަ ހާފު ފެށިގެން 11 މިނެޓު ތެރޭގައި ގިބްސް-ވައިޓް ވަނީ ހިތްގައިމު ލަނޑަކުން ނަތީޖާ ހަމަހަމަކޮށްފައެވެ. އޭގެ ފަހުން ރޮޑްރީ ބޮލުން ޖެހި ލަނޑުން ސިޓީ އަލުން ކުރި ހޯދި ނަމަވެސް، އެންޑަސަން ވަނީ 25 ޔާޑު ދުރުން ފޮނުވާލި ބޯޅައަކުން އަނެއްކާވެސް ނަތީޖާ ހަމަހަމަކޮށްފައެވެ.

މެޗުގެ ފަހު ވަގުތުކޮޅުގެ ތެރޭގައި ސިޓީން މެޗުން މޮޅުވުމަށް ގިނަ މަސައްކަތްތަކެއް ކުރިއެވެ. އެގޮތުން އާލިން ހާލަންޑާއި ރޮޑްރީއަށް ކުރި ފައުލްތަކަކާ ގުޅިގެން ޕެނަލްޓީއަކަށް އެދުނު ނަމަވެސް ރެފްރީ އެކަން ގަބޫލެއް ނުކުރެއެވެ. އަދި ސަވީނިއޯ ފޮނުވާލި ބޯޅައެއް ފޮރެސްޓުގެ މުރީލޯ ވަނީ ގޯލުގެ ރޮނގުމަތިން ދިފާއުކޮށްފައެވެ.

މި ނަތީޖާއާއެކު ތާވަލުގެ އެއްވަނައިގައި އޮތް އާސެނަލްއާ ދެމެދު އޮތް ފަރަގު ކުޑަކުރުމަށް ސިޓީއަށް ލިބުނު ފުރުސަތު ވަނީ ގެއްލިފައެވެ. މި ނަތީޖާއާއެކު އެއްމެޗު އިތުރަށް ކުޅެފައިވާ އާސެނަލްއަށް އަމިއްލަ ބާރުލިބި މިހާރު އޮތީ ސިޓީއަށްވުރެ 7 ޕޮއިންޓް ކުރީގައެވެ.