މެންޗެސްޓާ ސިޓީއަށް ކުޅެމުން އަންނަ އުމަރު މާމޫޝް އަދި ސަވީނިއޯ، ޓޮޓެންހަމް ހޮޓްސްޕާއަށް ވިއްކާލުމާ ގުޅޭގޮތުން އެ ކްލަބާއެކު ކުރިއަރާފައިވާ މަޝްވަރާތަކެއް ކުރެވެމުންދާ ކަމަށާއި، މި ދެ ކުޅުންތެރިން ވިއްކާލަން ސިޓީ އޮތީ ތައްޔާރަށް ކަމަށް ރިޕޯޓުތައް ބުނެފިއެވެ.

ނޫސްވެރިޔާ ބެން ޖޭކަބްސް ހާމަކޮށްފައިވާ ގޮތުގައި، ވޭތުވެދިޔަ ސީޒަނުގައި ސިޓީގައި މާ ގިނަ ފުރުސަތުތަކެއް ނުލިބި ބެންޗުން ފެނިގެންދިޔަ މި ދެ ފޯވާޑުން ވިއްކާލައިގެން މަދުވެގެން 150 މިލިއަން ޕައުންޑް ހޯދުމަށް ސިޓީން އުއްމީދު ކުރެއެވެ.

Ad by Hajj Corporation

ޕްރިމިއާ ލީގުގެ ދެވަނަ ހޯދި މެންޗެސްޓާ ސިޓީން މިހާރު މަސައްކަތް ކުރަމުންދަނީ އެ ޓީމުގެ މިޑްފީލްޑް އަލުން ބިނާކުރުމަށް ބޭނުންވާ ފައިސާ ހޯދުމަށެވެ. އެގޮތުން ވޭތުވެދިޔަ މަދު ދުވަސްކޮޅުގެ ތެރޭގައި އެ ޓީމުން ވަނީ ރޮޑްރީ އަދި ޓިޖާނީ ރެއިންޑާސް ވިއްކާލާފައެވެ.

ސިޓީން މިހާރު އަޔޫބް ބުއައްދީ ސޮއިކުރުމާ ވަރަށް ގާތްވެފައިވާ ކަމަށް ބެލެވޭއިރު، އެންޒޯ މަރެސްކާގެ އެންމެ އިސް އަމާޒަކީ އެންޒޯ ފެނާންޑޭޒް ހޯދުން ކަމަށްވެސް މައުލޫމާތު ލިބެއެވެ.