އެމެރިކާގެ މަޝްހޫރު ލަވަކިޔުންތެރިޔާ ބްރިޓްނީ ސްޕެއާސް ބުދަ ދުވަހުގެ ރޭ ކެލިފޯނިއާގައި ހައްޔަރުކޮށްފިއެވެ.

އެމެރިކާގެ ބައެއް މީޑިއާތަކުން ރިޕޯޓްކޮށްފައިވާގޮތުގައި އޭނާ ހައްޔަރުކޮށްފައި ވަނީ މަސްތުވާތަކެތި ބޭނުންކޮށްގެން ކާރު ދުއްވި ކަމުގެ ތުހުމަތުގައެވެ.

Ad by Hajj Corporation

ކެލިފޯނިއާ ހައިވޭ ޕެޓްރޯލުން އޭނާ ހައްޔަރުކުރީ އެ ރޭ ގާތްގަނޑަކަށް 9:28 ހާއިރުއެވެ. އެއަށްފަހު ފަތިހު 3:02 ގައި އޭނާ ވަނީ ބަންދުގައި ބަހައްޓާފައެވެ. އަދި ބުރާސްފަތި ދުވަހުގެ ހެނދުނު 6:07 ހާއިރު އޭނާ ވަނީ ބަންދުން ދޫކޮށްލާފައެވެ.

މި ހާދިސާއާ ގުޅިގެން ބްރިޓްނީގެ އޮފިޝަލަަކު ދަ ހޮލީވުޑް ރިޕޯޓަރަށް ބުނެފައި ވަނީ އެއީ މައާފު ނުކުރެވޭނެ ފަދަ ހިތާމަވެރި ހާދިސާއެއް ކަމަށެވެ. އަދި ބްރިޓްނީ ގާނޫނަށް ބޯލަނބާނެ ކަމަށާއި، މިއީ އޭނާގެ ދިރިއުޅުމަށް ގެންނަން ޖެހިފައިވާ ބަދަލުތަކުގެ ފުރަތަމަ ފިޔަވަޅަށް ވުމަށް އުންމީދުކުރާ ކަމަށްވެސް އޮފިޝަލް ފާހަގަކުރިއެވެ. މި ދަތި ދަނޑިވަޅުގައި އޭނާގެ އާއިލާއާއި ފިރިހެން ދަރިން އޭނާއަށް އެހީތެރިކަން ފޯރުކޮށްދޭނެ ކަމަށްވެސް ބުނެފައިވެއެވެ.

މި މައްސަލައިގައި ކޯޓަށް ހާޒިރުވުމަށް ބްރިޓްނީއަށް އަންގައި އަޑުއެހުން ތާވަލުކޮށްފައިވަނީ އަންނަ މެއި މަހުގެ 4 ވަނަ ދުވަހަށެވެ.

ބްރިޓްނީ ތިން ކައިވެންޏެއް ކުރި އެވެ. ދެވަނައަށް އިން މީހާއަށް އޭނާގެ ދެ ކުދިން ތިބެ އެވެ.