ރާއްޖޭގެ މައި ވައިގެ ބަނދަރު ވެލާނާ އިންޓަރނޭޝަނަލް އެއާޕޯޓު، ވީއައިއޭގެ އައު ޓާމިނަލުގައި ހަރުކޮށްފައިވާ ޒަމާނީ އީގޭޓްތަކުގެ ޚިދުމަތް އަންނަ މަހުގެ 1 ވަނަ ދުވަހުން ފެށިގެން ފަތުރުވެރިންނަށް ލިބޭނެކަމަށް ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިޙުސާން ވިދާޅުވެއްޖެއެވެ.

އެމަނިކުފާނު މިފަދއިން ވިދާޅުވީ، ރައީސުލްޖުމްހޫރިއްޔާގެ އޮފީހުގައި ބޭއްވެވި ނޫސްވެރިންގެ ބައްދަލުވުމެއްގައެވެ.

ވީއައިއޭގެ އައު ޓާމިނަލުގައި އެންމެ ޒަމާނީ އީގޭޓްތައް ހަރުކޮށް ބޭނުންކުރަން ފަށާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒުވެސް ވަނީ އިއުލާން ކުރައްވާފައެވެ. ރައީސް އެކަން އިޢުލާން ކުރެއްވީ 2024 ވަނަ އަހަރުގެ ނޮވެންބަރު މަހުގެ 19 ވަނަ ދުވަހުއެވެ.

Ad by Hajj Corporation

އީ-ގޭޓް ހަރުކުރުމުގެ ބޭނުމަކީ ވީއައިއޭ ބޭނުންކުރާ ދިވެހިންނާއި ފަތުރުވެރިން ބޯޑަރ ކޮންޓްރޯލް ކައުންޓަރުތަކުގައި ގިނައިރު ވަންދެން ކިއުގައި ހޭދަކުރަން ޖެހުން ނިމުމަކަށް ގެނައުމެވެ.

ވީއައިއޭގެ އައު ޓާމިނަލުގެ އެރައިވަލް އާއި ޑިޕާޗަރ ހިމެނޭހެން ޖުމްލަ 20 ގޭޓް ހަރުކުރުމަށް ވަނީ ނިންމާފައެވެ. މީގެ ތެރެއިން ފުރަތަމަ 10 ގޭޓް ހަރުކޮށް ބޭނުންކުރަން ވަނީ ފަށާފައެވެ. މި ޚިދުމަތް ފެށިގެން ގޮސްފައިވަނީ ހަމައެކަނި ދިވެހީންނަށް ނަމަވެސް މި ޚިދުމަތް ރާއްޖެ އަންނަ ފަތުރުވެރިންނަށްވެސް ލިބޭނެގޮތަށް ހަމަޖައްސާނެއެވެ.

ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިޙުސާން ވިދާޅުވީ ރައީސްގެ ވަޢުދާއެއްގޮތަށް ރާއްޖޭގެ މައި ދޮރާށީގައި 1 ޖަނަވަރީން ފެށިގެން އީ-ގޭޓްތައް ހަރުކުރެވި ދިވެހިން އީގޭޓް ބޭނުންކޮށްގެން ކްލިއަރެންސް ހެދުމުގެ މަސައްކަތް ފަށާފައިވާކަމަށެވެ. އަދި 1 އޭޕްރީލް 2026އާއި ހަމައަށް މިއީގޭޓްތަކަކީ ރާއްޖެ އަންނަ ފަތުރުވެރިންނަށް ބޭނުން ކުރެވޭ އީ-ގޭޓް ތަކަކަށް ހަދާނެކަމަށްވެސް ވަޒީރު ވިދާޅުވިއެވެ.

މިވަގުތު ބާކީ ހުރި 10 ގޭޓް ހަރުކޮށް އިންސްޓޯލްކުރުމުގެ މަސައްކަތް ކުރަމުން އަންނަކަަމަށްވެސް ވަޒީރު އިހްސާން ވިދާޅުވިއެވެ.

މިވަގުތު 10 އީ-ގޭޓް އެރައިވަލް އަދި 10 އީ-ގޭޓް ޑިޕާރޗާގައި ވަނީ ޑިޕްލޮއިޑް ކުރެވި އޭގެ ހާޑްވެއާއާ އެއްކޮށް އިންސްޓޯލްކުރެވިފައެވެ. މިހާރު ކުރިއަށް ދަނީ ސޮފްޓްވެއަރ އިންސްޓޯލްކުރުމުގެ މަސައްކަތެވެ.

ފަތުރުވެރިންނަށް ޚިދުމަތް ފަށްޓާއިރުގައި ރާއްޖެ އަންނަ ކޮންމެ ފަތުރުވެރިއަކަށް ސީމްލެސް އެކްސްޕީރިއެންސެއް ލިބިގެން ރާއްޖެ ވަދެ ނިކުމުގެ ހެދޭ ޚިދުމަތަކަށް މި ޚިދުމަތް ހަދާނެ ކަމަށް ވަޒީރު އިހްސާން ވިދާޅުވިއެވެ.

ވެލާނާ އިންޓަރނޭޝަނަލް އެއާޕޯޓުގެ އައު ޓާމިނަލުގައި ޤާއިމްކުރި ޒަމާނީ އީގޭޓުތަކުން އެއްފަހަރު ޕާސްޕޯޓު ސްކޭންކުރުމަށްފަހު، ދެން ބޯޑަރު ހުރަސްކުރާއިރު އޮތޮރައިޒް ކުރެވޭނީ ފޭޝަލް ރެކޮގްނިޝަންގެ ޒަރިއްޔާއިންނެވެ.