ރާއްޖެއަށް މަސްތުވާތަކެތި ޓްރެފިކްކުރި މައްސަލައެއްގައި ތުހުމަތުކުރެވޭ ދެ ޒުވާނަކު ހައްޔަރުކޮށްފިއެވެ.

މި މައްސަލައިގައި ހައްޔަރުކޮށްފައިވަނީ ދެ ފިރިހެނުންނެވެ. އެއީ 25 އަހަރުގެ ޒުވާނަކާއި 19 އަހަރުގެ ޒުވާނެވެ.

Ad by Hajj Corporation

ފުލުހުން ވަނީ މި މައްސަލައިގައި ކޮންޓްރޯލް ޑެލެވަރީ އޮޕަރޭޝަނެއް ހިންގާފައެވެ.

އެ ދެ މީހުންގެ ބަންދަށް ކްރިމިނަލް ކޯޓުން ވަނީ ފަސް ދުވަހުގެ މުއްދަތަކަށް ކަސްޓޯޑިއަލް ޖަލެއްގައި ބަންދުކުރުމަށް އަމުރުކޮށްފައެވެ.

25 އަހަރު މީހާގެ އަމުރުގައި ބުނީ އޭނާގެ މައްޗަށް ތުހުމަތުކުރެވޭ ކޮންމެވެސް ހެކި ގަރީނާ ހުށަހަޅާފައިވާ ކަމަށެވެ. އެގޮތުން ކަސްޓަމްސްގެ މައްސަލަ ހުށަހަޅާ ފޯމާއި މުދާ ކްލިއާ ކުރުމަށް ހަވާލުވެހުރި ފަރާތުން ތަހުގީގަށް ދީފައިވާ ބަޔާނާއި ފުލުހުންގެ އިންސިޑެންޓް ރިޕޯޓާއި ލިޔެކިއުންތައް ހުށަހަޅާފައިވާ ކަަމަށެވެ.

އެ އަމުރުގައި ބުނީ ކޮންޓްރޯލް ޑެލިވަރީ އޮޕަރޭޝަންގެ ތެރެއިން އެ މުދަލާ އޭނާ ހަވާލުވެފައިވާ ކަމަށެވެ. އަދި އެއީ އޭނާގެ ތަކެތި ނޫންކަމަށް ބުނެ ތުހުމަތުތަކަށް އޭނާގެ ފަރާތުން އިންކާރުކޮށްފައިވާ ކަމަށް އަމުރުގައި ވެއެވެ.

ފެނިފައިވާ މަސްތުވާތަކެތިކަމަށް ޝައްކުކުރެވޭ އެއްޗެހީގެ ވަގުތީ ބަރުދަނުގައި 6.280 ކިލޯ ގްރާމް ހުރިކަމަށް އައިއޯ ބުނެފައިވާ ކަމަށް ވެސް އަމުރުގައިވެއެވެ.

އަދި އޭނާގެ ހަށިގަނޑު ބަލައި ފާސްކުރުމުން މަސްތުވާތަކެތިކަމަށް ޝައްކުކުރެވޭ އެއްޗެއް ހުރި 10 ސެލޯފިންކޮޅު ފެނިފައިވާ ކަމަށްވެސް އަމުރުގައި ވެއެވެ. އެ ތަކެއްޗަކީ އޭނާ ބޭނުންކުރަން ގެންގުޅު ތަކެތި ކަމަށް ބުނެފައިވާ ކަމަށް ވެސް ކޯޓު އަމުރުގައި ވެއެވެ.

19 އަހަރުގެ ޒުވާނާގެ ކޯޓު އަމުރުގައި ބުނީ ތުހުމަތުކުރެވޭ ކޮންމެވެސް ހެކި ގަރީނާ ހުށަހަޅާފައިވާ ކަމަށެވެ. އެގޮތުން މޯލްޑިވްސް ކަސްޓަމްސްގެ މައްސަލަ ހުށަހަޅާ ފޯމާއި، ކްލިނާ ކުރުމަށް ހަވާލުވެހުރި ފަރާތުން ތަހުގީގަށް ދީފައިވާ ބަޔާނާއ ފުލުހުންގެ އިންސިޑެންޓް ރިޕޯޓާއި ލިޔެކިއުންތައް ހުށަހަޅާފައިވާ ކަމަށެވެ.

އެ އަމުރުގައި ބުނީ ކޮންޓްރޯލް ޑެލިވަރީ އޮޕަރޭޝަނެއްގެ ތެރެއިން އެ މުދަލާ އެންމެ ފުރަތަމަ ހަވާލުވެފައިވަނީ އެ ޒުވާނާ ކަމަށެވެ.

ގުޅުންހުރި