ބޭންކް އޮފް މޯލްޑިވްސް (ބީއެމްއެލް) އިން މި ރަަމަޟާން މަހުގެ ފަހު 10 ގައި ބީއެމްއެލް އިން ހިދުމަތްދޭ ވަގުތުތައް ހާމަކޮށްފިއެވެ.

ބީއެމްއެލް އިން ބުނީ ރަމަޟާންމަހުގެ ފަހު 10ގައި އެ ބޭންކުގެ ބްރާންޗުތައް ހުޅުވާފައި ހުންނާނީ މާރިޗު 11 އަދި 18 ވަނަ ދުވަހު ކަމަށެވެ. އަދި އެ 2 ދުވަހުގެ ހެނދުނު 9:30 އިން 12:30 އަށް ބްރާންޗު ހުޅުވައި ޚިދުމަތް ދޭނެ ކަމަށެވެ.

އެއަށްފަހު، ބޭންކްގެ ބްރާންޗުތައް ބަންދުވި ނަމަވެސް އޮންލައިންކޮށް ހުރިހާ ހިދުމަތެއް ލިބޭނެ ކަމަށް ވެސް ބީއެމްއެލްއިން ވަނީ ބުނެފައެވެ. އަދި ޝައްވާލް މަހުގެ ފުރަތަމަ 7 ދުވަހުގެ މުއްދަތުގައި ބޭންކުގެ ބްރާންޗުތައް ހުޅުވާނީ 9:30 އިން 12:30 އަށް ކަމަށް ވަނީ ބުނެފައެވެ.

ރަމަޟާން މަހު ފަހު ދިހައެއް ބަންދުވުމާއި ގުޅިގެން އާންމުންނަށާއި، ބޭންކުތަކަށް ޚިދުމަތް ދިނުމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) ވެސް 2 ދުވަހަކު ހުޅުވާނެ ކަމަށް ވަނީ މީގެކުރިން ބުނެފައެވެ.

އެމްއެމްއޭއިން ރަމަޟާން މަހުގެ ފަހު ދިހައެއްގައި ޚިދުމަތް ދިނުމަށް ހަމަޖެހިފައިވަނީ، މާރިޗު މަހު 11 ވަނަ ދުވަހާއި 18 ވަނަ ދުވަހު ހެނދުނު 9:00 އިން މެންދުރުފަހު 01:00 އަށް ކަމަށްވެސްބުނެއެވެ. ރަމަޟާން މަހުގެ ފަހު ދިހައެއް ސަރުކާރު ބަންދު ނަމަވެސް، އެކިއެކި އިދާރާތަކުން ރައްޔިތުންނަށް ކޮންމެހެން ދޭންޖެހޭ ޚިދުމަތްތައް، އެ އިދާރާތަކުން ކަނޑައަޅުއްވާ ގޮތެއްގެ މަތިން ފޯރުކޮށްދިނުމުގެ އިންތިޒާމު ކޮންމެ އަހަރަކުވެސް ދަނީ ކުރައްވަމުންނެވެ.

Ad by Hajj Corporation