މާލޭގެ މަޖީދީ މަގުގައި އަނިޔާވެފައި އޮތް މީހަކު ފެނިއްޖެއެވެ.

ފުލުހުން ބުނީ، މަޖީދީ މަގުގައި ހުންނަ "ސޮރީ ބޯއީސް" ފިހާރަ ކުރިމަތީގައި އަނިޔާތަކެއް ލިބިފައި އޮތް ފިރިހެނަކު އޮތް ކަމަށް ރޭ ދަންވަރު 1:25 ހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.

އަދި އެ މީހާ އައިޖީއެމްއެޗްއަށް ގެންގޮަސް، ފަރުވާދިނުމަށް ފަހު މިއަދު ފަތިހު 6:19 ހާއިރު އެމީހާ ދޫކޮށްފައިވާ ކަމަށާއި، އެއީ ދިވެހި ފިިރިހެނެއް ކަމުގައި ފުލުހުން ބުންޏެވެ.

އެ ޙާދިސާ ހިނގި ގޮތް އަދި ސާފުވެފައި ނުވާއިރު، އެ މީހާއަށް ލިބުނީ ކިހާވަރެއްގެ އަނިޔާއެއް ކަމެއް ވެސް އަދި ސާފުވެފައެއް ނުވެއެވެ. އެ މައްސަލަ ފުލުހުން ގެންދަނީ ތަހުގީގު ކުރަމުންނެވެ.