ކ. އަތޮޅުގެ ރިސޯޓެއްގެ ޕޫލަށް ވެއްޓި ގެނބުނު ކުޑަކުއްޖަކު ނިޔާވި މައްސަލައެއް ދިވެހި ފުލުހުންގެ ޚިދުމަތުން ތަހުގީގު ކުރަން ފަށައިފިއެވެ.

މި ހާދިސާގައި ނިޔާވެފައިވަނީ އުމުރުން އެންމެ ދެ އަހަރުގެ ފިރިހެން ކުއްޖެކެވެ. ފުލުހުން ބުނި ގޮތުގައި، އޭޑީކޭ ހޮސްޕިޓަލަށް ގެންދިޔަ މި ކުއްޖާ ހޮސްޕިޓަލަށް ގެންދިޔައިރުވެސް ނިޔާވެފައިވާ ކަމުގެ ރިޕޯޓް ފުލުހުންނަށް ލިބިފައިވަނީ 2026 މާރިޗު 20 ވަނަ ދުވަހުގެ ރޭ ދަންވަރު 12:54 އެހައިކަންހާއިރުއެވެ.

Ad by Hajj Corporation

މިހާތަނަށް ލިބިފައިވާ މަޢުލޫމާތަށް ބަލާއިރު، މި ހާދިސާ ހިނގަން މެދުވެރިވީ ކާފު އަތޮޅުގައި ހިންގަމުންދާ ރިސޯޓެއްގެ ޕޫލަށް އެ ކުއްޖާ ވެއްޓި ގެނބުމުގެ ސަބަބުންނެވެ. މި ހާދިސާ ހިނގި ވަގުތާއި ހާދިސާ ހިނގަން މެދުވެރިވި އިތުރު ތަފްސީލެއް ފުލުހުން އަދި ހާމަކޮށްފައެއް ނުވެއެވެ.

ފުލުހުން ދަނީ މި ހާދިސާއާ ގުޅިގެން ބަލަންޖެހޭ ކަންކަން ބަލައި، މައްސަލަ އިތުރަށް ތަހުގީގު ކުރަމުންނެވެ.