މާލޭގައި ހުންނަ 'މަސްޖިދުއްޒިކުރާ' މިހާރު ހުރި ބިމުގައި ބިނާކުރާ ޒަމާނީ އައު މިސްކިތުގެ ބިންގާ މިރޭ އަޅައިފިއެވެ.

އިސްލާމީ ކަންތައްތަކާ ބެހޭ ވުޒާރާއިން އިންތިޒާމުކޮށްގެން ބޭއްވި މި ރަސްމިއްޔާތުގައި މިސްކިތުގެ ބިންގާ އަޅުއްވައިދެއްވީ އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދުއެވެ.

Ad by Hajj Corporation

މި މަޝްރޫޢަކީ އަމިއްލަ ފަރާތެއްގެ ދީލަތީ އެހީތެރިކަމާއެކު ކުރިއަށް ގެންދާ މަޝްރޫޢެކެވެ.

ތިން ފަންގިފިލާއަށް ބިނާކުރާ މި މިސްކިތަކީ ޖާގަ ތަނަވަސް، ޒަމާނީ ފަރުމާއަކަށް ތައްޔާރުކުރެވޭ ބިނާއެކެވެ. މި މިސްކިތުގެ ޚާއްސަ ސިފަތަކުގެ ތެރޭގައި، މިސްކިތަށް އަރާފޭބުމުގައި އާންމުންނަށް ލުއިފަސޭހަކޮށްދިނުމުގެ ގޮތުން ލިފްޓު ހަރުކުރުން ހިމެނެއެވެ. މިއީ މާލެ ސަރަޙައްދުގައި ބިނާކުރެވޭ އެންމެ ފުރިހަމަ އެއް މިސްކިތަށް ވެގެންދާނެއެވެ.

އިސްލާމީ ކަންތައްތަކާ ބެހޭ ވުޒާރާއިން ހާމަކުރެއްވި ގޮތުގައި، މިސްކިތް ބިނާކުރުމުގެ ޢަމަލީ މަސައްކަތް ފެށުމަށް ހަމަޖެހިފައިވަނީ ކުރިއަށް އޮތް ރަމަޟާން މަސް ނިމުމާއެކުގައެވެ.

މި މަޝްރޫޢަކީ މާލެ ސަރަޙައްދުގައި ހުރި ދުވަސްވީ މިސްކިތްތަކުގެ ބަދަލުގައި، ޒަމާނީ ފެންވަރުގެ އައު މިސްކިތްތަކެއް ބިނާކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ގެންގުޅުއްވާ ސިޔާސަތުގެ ދަށުން، ކުރިއަށް ގެންދާ މުހިންމު މަސައްކަތެކެވެ.