އީރާނުގެ މަދަނީ އިންފްރާސްޓްރަކްޗަރަށް ހަމަލާދޭނެ ކަމަށް ބުނެ އެމެރިކާއިން ދެމުންދާ އިންޒާރުތަކަކީ އެއްވެސް އެހީތެރިކަމެއް ނެތް ކަންތައްތަކެއް ކަމަށް ބުނެ ނިއުޒީލެންޑުން އެމެރިކާއަށް ވަރުގަދަ ފާޑުކިޔުންތަކެއް އަމާޒުކޮށްފިއެވެ.

މަޝްރަހު ގޯސްވަމުންދާ މި ދަނޑިވަޅުގައި ރައީސް ޑޮނަލްޑް ޓްރަމްޕް ހަރުކަށި ބަސްމަގު ބޭނުންކުރައްވަމުން ގެންދަވާއިރު، ނިއުޒީލެންޑުގެ ލީޑަރުން ވަނީ އީރާނާ މެދު އެމެރިކާއިން ގެންގުޅޭ ރޭވުންތަކާ ދެކޮޅަށް މިހާތަނަށް ބޭނުންކުރި އެންމެ ވަރުގަދަ ބަސްމަގު ބޭނުންކޮށްފައެވެ.

Ad by Hajj Corporation

ފެބްރުއަރީ 28 ވަނަ ދުވަހު އެމެރިކާއާއި އިސްރާއީލުން އީރާނަށް ދޭން ފެށި ހަމަލާތަކަށްފަހު، އީރާނު އަމާންދިނުމަށް މަޖުބޫރުކުރުވުމުގެ ގޮތުން މަދަނީ އިންފްރާސްޓްރަކްޗަރަށް ހަމަލާދޭނެ ކަމުގެ އިންޒާރު ޓްރަމްޕް ވަނީ ދެއްވާފައެވެ. ނިއުޒީލެންޑުގެ ބޮޑުވަޒީރު ކްރިސް ލަކްސަން ވިދާޅުވީ އެ ބަސްމަގަކީ "އެހީތެރިކަމެއް ނެތް" ބަސްމަގަކަށް ވާއިރު، އިތުރު އަސްކަރީ ފިޔަވަޅުތަކެއް އެޅުމަކީ ކޮންމެހެން ބޭނުންތެރި ކަމެއް ނޫން ކަމަށެވެ.

ރޭޑިއޯ އެންޒެޑް އަށް ދެއްވި އިންޓަވިއުއެއްގައި ބޮޑުވަޒީރު ލަކްސަން ވިދާޅުވީ، "އަޅުގަނޑުމެން މިތިބީ ވަރަށް ބޮޑަށް ކަންބޮޑުވެފައި،" ކަމަށެވެ. އޭނާ އިތުރަށް ވިދާޅުވީ، ހުރިހާ ފަރާތްތަކަކުން ވެސް ބައިނަލްއަގުވާމީ ގާނޫނުތަކަށް ބޯލެނބުމަށް އުންމީދު ކުރައްވާ ކަމަށާއި، ފާލަންތަކާއި، ފެން ރައްކާކުރާ ތަންތަނާއި، މަދަނީ އިންފްރާސްޓްރަކްޗަރަށް ބޮން އެޅުމަކީ ބަލައިގަނެވޭނެ ކަމެއް ނޫން ކަމަށެވެ. ނިއުޒީލެންޑުގެ މެސެޖަކީ އެމެރިކާއާއި އީރާނުން ވެސް އަވަހަށް މަޝްރަހު ފިނިކުރުމަށް ހިތްވަރު ދިނުން ކަމުގައި އޭނާ ފާހަގަކުރެއްވިއެވެ.

އިދިކޮޅު ލީޑަރު ކްރިސް ހިޕްކިންސް ވަނީ މިއަށްވުރެ ވެސް ހަރުކަށިކޮށް ވާހަކަދައްކަވާފައެވެ. އޭނާ ވިދާޅުވީ ޓްރަމްޕްގެ އަމަލުތަކަކީ "ބިރުވެރި" އަދި "މުޅިން ބަލައިނުގަނެވޭނެ" ކަންތައްތަކެއް ކަމަށާއި، ރައީސް ގެންދަވަނީ އޭނާގެ މަގާމުގެ ގަދަރު ކުޑަކުރަމުން ކަމަށެވެ. ހިޕްކިންސްގެ ލޭބަރ ޕާޓީން ދެކޭގޮތުގައި މިއީ ޣައިރު ގާނޫނީ އަމަލެއްގެ އިތުރުން، 2003 ވަނަ އަހަރު އިރާގަށް އެރި އެރުމާ އެއްފަދަ ކަމެކެވެ.

ނިއުޒީލެންޑުން މިފަދަ ހަރުކަށި ބަސްމަގަކުން ފާޑުކިޔާފައިވާއިރު، އަވަށްޓެރި އޮސްޓްރޭލިއާގެ މައި ދެ ޕާޓީން ވެސް ވަނީ އީރާނުގައި އެމެރިކާއާއި އިސްރާއީލުން ހިންގާ އަމަލުތަކަށް ތާއީދުކޮށްފައެވެ. އޮސްޓްރޭލިއާއާ ޚިލާފަށް، ނިއުޒީލެންޑަކީ ރަސްމީކޮށް އެމެރިކާގެ އެލައިޑެއް ނޫނެވެ. ނަމަވެސް ޗައިނާގެ ބާރު ކުޑަކުރުމުގައި ކެންބަރާއާއި ވޮޝިންޓަނާއެކު ނިއުޒީލެންޑުން ސްޓްރެޓީޖިކް ގޮތުން ބައިވެރިވެއެވެ.

މި ހަމަނުޖެހުންތަކުގެ ތެރެއިން، ނިއުޒީލެންޑުގެ ޚާރިޖީ ވަޒީރު ވިންސްޓަން ޕީޓާސް މިހާރު ގެންދަވަނީ އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯއާ ބައްދަލުކުރެއްވުމަށް ވޮޝިންޓަން ޑީސީއަށް ދަތުރުކުރައްވަމުންނެވެ. މި ބައްދަލުވުމުގައި މިހާރު އުފެދިފައިވާ ނުތަނަވަސްކަމާ ގުޅޭގޮތުން މަޝްވަރާ ކުރެވޭނެ ކަމަށް ބެލެވެއެވެ.

ނިއުޒީލެންޑުން ބޭނުންކުރި ސީދާ ބަސްމަގަކީ އޮސްޓްރޭލިއާގެ ސިޔާސީ ފަރާތްތަކާ ޚިލާފު ބަސްމަގަކަށް ވާއިރު، އޮސްޓްރޭލިއާގެ ސިޔާސީ ފަރާތްތަކުން އެމެރިކާގެ ރައީސަށް ފާޑުކިޔުން އާންމުކޮށް މަދެވެ.

އޮސްޓްރޭލިއާއާ ޚިލާފަށް، ނިއުޒީލެންޑަކީ ރަސްމީކޮށް އެމެރިކާގެ އެލައިޑެއް (އިއްތިހާދީއެއް) ނޫނެވެ. ނަމަވެސް ޗައިނާގެ ބާރު ކުޑަކުރުމުގައި ކެންބަރާއާއި ވޮޝިންޓަނާއެކު ނިއުޒީލެންޑުން ސްޓްރެޓީޖިކް ގޮތުން ބައިވެރިވެއެވެ.

މިހާރު އެމެރިކާއަށް ދަތުރުކުރައްވަމުން ގެންދަވާ މިސްޓަރ ޕީޓާސް ވިދާޅުވީ، މި ހަފްތާގެ މަޝްވަރާތަކަކީ ވަރަށް މުހިންމު މަޝްވަރާތަކެއް ކަމަށާއި، މިއީ ދެވަނަ ބޮޑު ހަނގުރާމައަށްފަހު ދުނިޔެއަށް ކުރިމަތިވި "އެންމެ ގޮންޖެހުން ބޮޑު ދަނޑިވަޅު" ކަމަށެވެ.

އީރާނުގެ ކްރައިސިސްގެ ކުރިން އޭއޭޕީއަށް ދެއްވި އިންޓަވިއުއެއްގައި އޭނާ ވިދާޅުވީ، މި ބައްދަލުވުމުގެ ބޭނުމަކީ ޕެސިފިކް ސަރަހައްދަށް އެމެރިކާގެ ޝައުގުވެރިކަން އަލުން އިތުރުކުރުވުން ކަމަށެވެ.

މިސްޓަރ ލަކްސަން ކަށަވަރުކޮށްދެއްވި ގޮތުގައި، އީރާނާ މެދު އެމެރިކާއިން ގެންގުޅޭ ރޭވުންތަކުގެ މައުލޫމާތު ހޯދުމުގެ އިތުރުން، ޕެސިފިކްގެ މައްސަލައަކީ ވެސް މި ބައްދަލުވުމުގައި މުހިންމު ދައުރެއް އަދާކުރާނެ ކަމެކެވެ.

މެދުއިރުމަތީގެ ހަމަލާތަކުގެ ސަބަބުން ނިއުޒީލެންޑަށް ކުރިމަތިވެފައިވާ އެންމެ ބޮޑު ދާޚިލީ ކަންބޮޑުވުމަކީ ތެލުގެ އަގަށް އަންނަ ލޮޅުމެވެ. ޕެޓްރޯލް ލީޓަރެއްގެ އެވްރެޖް އަގު 3.48 ނިއުޒީލެންޑް ޑޮލަރަށް އަދި ޑީސަލް 3.75 ނިއުޒީލެންޑް ޑޮލަރަށް އުފުލިފައިވާއިރު، ތެޔޮ ލިބޭނެކަން ކަށަވަރުކުރުމަށާއި ރިޒާވް އިތުރުކުރުމަށް ސަރުކާރުން ވަނީ ފިޔަވަޅުތައް އަޅަން ފަށާފައެވެ.