ނިމިދިޔަ ލޯކަލް ކައުންސިލް އިންތިޚާބުގައި މާލެ ސިޓީގެ މޭޔަރުކަމަށް ޕީޕަލްސް ނެޝަނަލް ކޮންގްރެސް (ޕީއެންސީ) ގެ ޓިކެޓުގައި ވާދަކުރެއްވުމުގެ ފުރުސަތު ދެއްވީތީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އަށްމޭޖަރ ޖެނެރަލް (ރިޓަޔަރޑް) މޫސާ ޢަލީ ޖަލީލު ވިދާޅުވެއްޖެއެވެ.

މާލެ މޭޔަރގެ މަގާމަށް ވާދަކުރެއްވި މޫސާ އަލީ ޖަލީލު މިހެން ވިދާޅުވީ އޭނާ އަށް ވޯޓުދެއްވި ރައްޔިތުންނަށް ޝުކުރު އަދާކުރައްވާ ނެރުއްވި ބަޔާނެއްގައެވެ.

Ad by Hajj Corporation

އެ ބަޔާނުގައި ވިދާޅުވީ މޭޔަރުކަމަށް ވާދަކުރުމުގެ ފުރުޞަތު ދެއްވީތީ ޕާޓީގެ ރައީސް އަދި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށާއި ޕާޓީގެ ލީޑަޝިޕަށް ޝުކުރު ދަންނަވާ ކަމަށެވެ. އަދި އިންތިޚާބުގައި ވޯޓު ދެއްވި ރައްޔިތުން ކުރެއްވި އިތުބާރު އަބަދުވެސް ޝުކުރުވެރިކަމާއެކު ހަނދާން ބަހައްޓާނެ ކަމަށް ވަނީ ވިދާޅުވެފައެވެ.

ހަމަމިއާއެކު އިންތިޚާބު ކާމިޔާބު ކުރެއްވި ހުރިހާ ކެންޑިޑޭޓުންނަށް މަރުޙަބާ ވިދާޅުވެ، ދިވެހިރާއްޖެއަށާއި ރައްޔިތުންނަށް ފާގަތިކަމާއި ބާއްޖަވެރިކަން މިންވަރު ކުރެއްވުން އެދިވަޑައިގެންފައި ވެއެވެ.

އޭޕްރިލް 4 ވީ ހޮނިހިރު ދުވަހު ބޭއްވި ލޯކަލް ކައުންސިލުތަކާއި އަންހެނުންގެ ތަރައްގީ އަށް މަސައްކަތްކުރާ ކޮމެޓީތަކުގެ އިންތިހާބުގެ ވަގުތީ ނަތީޖާ ދައްކާ ގޮތުން މާލެ ސިޓީގެ މޭޔަރުކަމުގެ އިންތިޚާބު ކާމިޔާބު ކުރެއްވީ އެމްޑީޕީގެ ޓިކެޓުގައި ވާދަކުރެއްވި އާދަމް އާޒިމަށް 13،905 ވޯޓު ލިބިވަޑައިގެންފައިވާއިރު، މޫސާ ޢަލީ ޖަލީލަށް ލިބިވަޑައިގެންނެވީ 9،377 ވޯޓެވެ.