އިސްރާއީލާއެކު އެއްވެސް މަޝްވަރާއެއް ބޭއްވުމަށް ލުބުނާނުގެ ހިޒްބުالله އިން ދެކޮޅު ހަދައިފިއެވެ.

ހިޒްބުاللهގެ ލީޑަރު ނާއިމް ޤާސިމް ވަނީ އިސްރާއީލާއެކު މަޝްވަރާކުރުމުގެ ވިސްނުން ނެތް ކަމަށް ވިދާޅުވެ، އެއީ ބޭކާރު ކަމެއް ކަމަށް ވިދާޅުވެފައެވެ.

އޭނާ މިފަދައިން ވިދާޅުވީ، އިސްރާއީލުން ލުބުނާނުގެ ސަރުކާރާއެކު ސުލްހައިގެ މަޝްވަރާތަކެއް ކުރަން ނިންމާފައިވާ ދަނޑިވަޅެއްގައެވެ. މިކަމަށް މަގުފަހިވެފައި ވަނީ އެމެރިކާގައި ހުންނަ އިސްރާއީލުގެ ސަފީރު ޔެޗިއެލް ލެއިޓާ ލުބްނާނުގެ ރައީސް ނަދާ ހަމާދު މޮއަވާދު އާ ފޯނުން ގުޅައި މަޝްވަރާއަށް އެދުމުންނެވެ.

އެހެން ނަމަވެސް އެފަދަ ކަމަކަށް ހިޒްބުالله ދެކޮޅުކަން ހާމަކުރައްވައި އެ ޖަމާއަތުގެ ލީޑަރު ވިދާޅުވީ އިސްރާއީލުން މަސައްކަތް ކުރަނީ ލުބްނާނުގެ ރައްޔިތުންގެ މެދުގައި ފަސާދަ އުފައްދަން ކަމަށެވެ.

Ad by Hajj Corporation

އިސްރާއީލުގެ ދައުލަތާ މަޝްވަރާކުރުމަށް ބާއްވާ ފުރަތަމަ ބައްދަލުވުން އެޕްރީލު 14 ވަނަ ދުވަހު ވޮޝިންގްޓަނުގައި ބޭއްވުމަށް ނިންމާފައިވާ ކަން ލުބުނާން ސަރުކާރުން ވަނީ ހާމަކޮށްފައެވެ.

ނަމަވެސް، ލުބްނާންގެ ރައްޔިތުން ޝަހީދުކުރުމަށް ހިންގަމުންދާ ލާއިންސާނީ ޖަރީމާތައް ހުއްޓައިނުލާނެ ކަމުގައި އިސްރާއީލުގެ ހައްދުފަހަނަ އެޅި ބޮޑުވަޒީރު ބެންޔަމިން ނަތަންޔާހޫ ވަނީ ބުނެފައެވެ. ލުބްނާންގެ މުޖާހިދުންގެ ޖަމާޢަތް، ހިޒްބުالله އިން ހަތިޔާރު ބެހެއްޓުމަށް އިންކާރުކުރާ ނަމަ، ޢުދުވާންތައް ހުއްޓައިނުލާނެ ކަމުގައި އޭނާ ބުނެފައިވާއިރު، ވޮޝިންގްޓަނުގައި އިސްރާއީލާ ބައްދަލުކުރުމަށް ލުބުނާން ސަރުކާރުން އެއްބަސްވުމުން ޙިޒްބުالله އިން ވަނީ އެ ކަމާ ނުރުހުން ފާޅުކޮށްފައެވެ.